കോന്നി : ഡിവൈഎഫ്ഐ നേതാവും സിപിഐ എം ഏരിയ സെക്രട്ടറിയുമായിരുന്ന സി ജി ദിനേശിൻ്റെ സ്മരണാർത്ഥം ഡിവൈഎഫ്ഐ കോന്നി ബ്ലോക്ക് കമ്മിറ്റി വാങ്ങിയ ആംബുലൻസ് സർവ്വീസ് അഖിലേന്ത്യാ പ്രസിഡൻ്റ് എ എ റഹിം ചൊവ്വാഴ്ച്ച വൈകീട്ട് 4ന് കോന്നി ചന്ത മൈതാനിയിൽ ഉദ്ഘാടനം ചെയ്യും. സി ജി ദിനേശിൻ്റെ അമ്മ ദേവകിയമ്മ കേന്ദ്ര കമ്മിറ്റി അംഗം അഡ്വ.കെ യു ജനീഷ് കുമാറിന് താക്കോൽ കൈമാറും. ബ്ലോക്ക് പ്രസിഡൻ്റ് വി ശിവകുമാർ അധ്യക്ഷനാകും.
സിപിഐ എം ജില്ലാ സെക്രട്ടറി കെ പി ഉദയഭാനു, ജില്ലാ സെക്രട്ടറിയേറ്റംഗങ്ങളായ എ പദ്മകുമാർ, പി ജെ അജയകുമാർ, ഏരിയ സെക്രട്ടറി ശ്യാംലാൽ, ഡിവൈഎഫ്ഐ ജില്ലാ സെക്രട്ടറി പി ബി സതീഷ് കുമാർ, പ്രസിഡൻ്റ് സംഗേഷ് ജി നായർ, സംസ്ഥാന കമ്മിറ്റി അംഗങ്ങളായ അഡ്വ. ആർ മനു, ആർ ശ്യാമ, ജില്ലാ ട്രഷറർ ബി നിസാം, ജില്ലാ കമ്മിറ്റി അംഗങ്ങളായ സി സുമേഷ്, ജിജോ മോഡി, രേഷ്മ മറിയം റോയി എന്നിവർ പങ്കെടുക്കും.
ബ്ലോക്ക് സെക്രട്ടറി എം അനീഷ് കുമാർ സ്വാഗതവും കോന്നി മേഖല സെക്രട്ടറി അഷ്റഫ് അയൂബ് നന്ദിയും പറയും. ഡിവൈഎഫ് യൂണിറ്റ് കമ്മിറ്റികൾ മുഖാന്തരം വീടുകളിൽ വഞ്ചി സ്ഥാപിച്ചും ആഘോഷങ്ങൾ ഒഴിവാക്കി സുമനസ്സുകൾ നൽകിയ തുകയും പ്രവർത്തകർ കൂലി പണി ചെയ്തും അണ് ആംബുലൻസിനുള്ള പണം കണ്ടെത്തിയത്.
