ഡൽഹി: ലോക്സഭ, നിയമസഭ തെരഞ്ഞെടുപ്പുകളിൽ വിജയിക്കാൻ ബിജെപി ഏതറ്റം വരെയും പോകുമെന്ന് ഡൽഹി മുഖ്യമന്ത്രി അരവിന്ദ് കേജരിവാൾ. അധികാരത്തിലെത്താൻ ബിജെപി രാജ്യം വിൽക്കാൻ വരെ തയാറാകുമെന്നും അദ്ദേഹം വിമർശിച്ചു. വെള്ളിയാഴ്ചയാണ് ബിജെപിക്കെതിരേ ഡൽഹി മുഖ്യമന്ത്രി ആഞ്ഞടിച്ചത്. ചണ്ഡിഗഢ് മേയർ തെരഞ്ഞെടുപ്പിൽ ബിജെപി നടത്തിയ ക്രമകേടുകൾ കൈയോടെ പിടികൂടിയതായി കേജരിവാൾ പറഞ്ഞു.
കഴിഞ്ഞ കുറെ വർഷങ്ങളായി ബിജെപി തെരഞ്ഞെടുപ്പുകളിൽ ക്രമകേട് നടത്തിയതായി കേജരിവാൾ ആരോപിച്ചു. ബിജെപിയുടെ നിർദേശപ്രകാരം ഇലക്ട്രോണിക്ക് വോട്ടിംഗ് മെഷീനുകൾ നശിപ്പിക്കുകയും, വോട്ടർപട്ടികയിൽ നിന്ന് ഒഴിവാക്കിയ പേരുകൾ വീണ്ടെടുത്തതായും കേജരിവാൾ വ്യക്തമാക്കി.





























