ഷിംല : ഹിമാചല് പ്രദേശിലെ ഉന ജില്ലയില് പടക്ക നിര്മ്മാണ ശാലയില് ഉഗ്ര സ്ഫോടനം. ഏഴ് പേര് മരിക്കുകയും 12 പേര്ക്ക് പരുക്കേല്ക്കുകയും ചെയ്തു. ബാതു വ്യവസായ പ്രദേശത്താണ് സ്ഫോടനമുണ്ടായത്. മരിച്ചവരിലും പരുക്കേറ്റവരിലും അധികവും കുടിയേറ്റ തൊഴിലാളികളാണെന്നാണ് പ്രാഥമിക നിഗമനം. സംഭവത്തില് പ്രധാനമന്ത്രി നരേന്ദ്ര മോദി അനുശോചിച്ചു. മരിച്ചവരുടെ കുടുംബത്തിന് രണ്ട് ലക്ഷം രൂപ വീതവും പരുക്കേറ്റവര്ക്ക് 50,000 രൂപ വീതവും പ്രധാനമന്ത്രി നഷ്ടപരിഹാരം പ്രഖ്യാപിച്ചു.
