തിരുവല്ല: സജി ചെറിയാനെതിരെ കേസെടുക്കാന് തിരുവല്ല കോടതിയുടെ ഉത്തരവ്. അഭിഭാഷകന് നല്കിയ ഹര്ജിയിലാണ് ഒന്നാം ക്ലാസ് മജിസ്ട്രേറ്റ് കോടതിയുടെ ഉത്തരവ്. ദേശാഭിമാനം വ്രണപ്പെടുത്തിയതിന് കേസെടുക്കണമെന്നായിരുന്നു ഹർജിയിൽ ആവശ്യം. കൊച്ചി സ്വദേശിയായ അഭിഭാഷകൻ ബൈജു നോയലാണ് ഹർജിക്കാരൻ.
രാജിവെച്ചത് സ്വതന്ത്രമായ തീരുമാനമെന്ന് സജി ചെറിയാൻ മാധ്യമങ്ങളോടു പറഞ്ഞു. ഭരണഘടനയോട് അങ്ങേയറ്റം കൂറുപുലര്ത്തി. ഭരണഘടനയെ വിമര്ശിച്ചിട്ടില്ല. തനിക്കെതിരെ ദുഷ്പ്രചരണം നടന്നു. തെറ്റിദ്ധരിച്ചുള്ള പ്രചാരണം വേദനിപ്പിച്ചു. മന്ത്രിസഭയെ ദുര്ബലപ്പെടുത്താന് ശ്രമമുണ്ടായി. പ്രസംഗത്തിന്റെ ഒരു ഭാഗം അടർത്തി മാറ്റി. തന്റെ പ്രസംഗം പൂർണമായും മാധ്യമങ്ങൾ നൽകിയില്ല. പരാമർശങ്ങളിലെ നിയമവശം മുഖ്യമന്ത്രി തേടിയെന്നും സജി ചെറിയാൻ വിശദീകരിച്ചു.
