ന്യുഡല്ഹി : രാജ്യത്ത് കോവിഡ് കേസുകള് ഉയരുന്നു. കഴിഞ്ഞ 24 മണിക്കൂറിനുള്ളില് 3,712 പേര്ക്ക് കോവിഡ് സ്ഥിരീകരിച്ചു.5 മരണവും റിപ്പോര്ട്ട് ചെയ്യുന്നു. ഇന്നലെ 2,745 രോഗികളും 6 മരണവുമാണ് റിപ്പോര്ട്ട് ചെയ്തിരുന്നത്. കേരളം, മഹാരാഷ്ട്ര എന്നിവിടങ്ങളില് പ്രതിദിന രോഗികളുടെ എണ്ണത്തില് കുതിപ്പുണ്ടായതാണ് പ്രധാന കാരണം. കേരളത്തില് ഇന്നലെ 1300ലേറെ പേര്ക്ക് രോഗം സ്ഥിരീകരിച്ചു. മഹാരാഷ്ട്രയില് 1081 പേര്ക്കും. മൂന്ന് മാസത്തിനു ശേഷമാണ് കോവിഡ് കേസുകള് ഇത്രയും ഉയരുന്നത്. ഇന്നലെ 2,584 പേര് രോഗമുക്തരായി. സജീവ രോഗികളുടെ എണ്ണം 19,509 ആയി ഉയര്ന്നു. മുന് ദിവസത്തെ അപേക്ഷിച്ച 1,123 കേസുകള് കൂടുതല്. രോഗമുക്തി നിരക്ക് 98.74% ആയി.
