കാസര്ഗോഡ് : കാസര്ഗോഡ് വ്യാപാര കേന്ദ്രങ്ങളില് ശനിയാഴ്ച മുതല് കൊവിഡ് നെഗറ്റീവ് സര്ട്ടിഫിക്കറ്റ് നിര്ബന്ധമാക്കി. രണ്ട് ഡോസ് കൊവിഡ് വാക്സിന് എടുത്ത സര്ട്ടിഫിക്കറ്റ് ഉള്ളവര്ക്കും അനുമതിയുണ്ട്. നഗര പ്രദേശങ്ങളില് ശനിയാഴ്ച മുതല് നിയന്ത്രണം ശക്തമാക്കും. കാഞ്ഞങ്ങാട്, കുമ്പള പ്രദേശങ്ങളിലും നിയന്ത്രണമുണ്ടാകും.
തീരുമാനത്തിന് എതിരെ വ്യാപകമായ പ്രതിഷേധമുണ്ട്. പരിശോധന സംബന്ധിച്ച അവ്യക്തതകളാണ് പുതിയ ഉത്തരവ് വിവാദമാക്കുന്നത്. വ്യക്തമായ രീതിയില് പുതിയ പ്രസ് റിലീസ് പുറത്തിറക്കുമെന്ന് കളക്ടര് ഡി സജിത് ബാബു പറഞ്ഞു.
