തിരുവനന്തപുരം : ട്രോളിങ് നിരോധനം നിലവിൽവന്നതോടെ സംസ്ഥാനത്ത് മത്സ്യവില കുത്തനെ ഉയർന്നു. നിരോധനത്തിന് തൊട്ടുമുൻപ് തന്നെ കടലിൽ മത്സ്യലഭ്യത കുറഞ്ഞതിനാൽ വില വർധിച്ചിരുന്നു. നിരോധനം പ്രാബല്യത്തിലായതോടെ സാധാരണക്കാർക്ക് താങ്ങാനാവാത്ത വിധം മത്സ്യവില വീണ്ടും ഉയർന്നു. മത്തിവില കിലോയ്ക്ക് 340–360 രൂപ വരെയായി. ചില പ്രദേശങ്ങളിൽ കിലോയ്ക്ക് 400 രൂപവരെ ഈടാക്കുന്നുണ്ട്. അയല, ചൂര, കട്ല, തിലാപ്പിയ തുടങ്ങിയ മത്സ്യങ്ങൾക്കും ഉയർന്ന വിലയാണ്. കടൽമത്സ്യങ്ങൾക്കൊപ്പം കായൽ മത്സ്യങ്ങളുടെയും വില വർധിച്ചിട്ടുണ്ട്. കണവ, കരിമീൻ, ചെമ്മീൻ എന്നിവയ്ക്കും വിലക്കയറ്റമുണ്ടായതോടെ പല ഹോട്ടലുകളും മെനുവിൽനിന്ന് മീൻ വിഭവങ്ങൾ താൽക്കാലികമായി ഒഴിവാക്കിത്തുടങ്ങി. വരും ദിവസങ്ങളിൽ ഊണിനൊപ്പമുള്ള മീൻ വറുത്തതിനും മീൻകറിക്കും വില വർധിപ്പിക്കേണ്ട സാഹചര്യമുണ്ടാകുമെന്നാണ് ഹോട്ടൽ ഉടമകൾ പറയുന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
