ആലപ്പുഴയിൽ മത്സ്യത്തൊഴിലാളി വള്ളം മറിഞ്ഞ് മുങ്ങി മരിച്ചു

ആലപ്പുഴ: പൊന്തു വള്ളത്തില്‍ മീന്‍ പിടിക്കാന്‍ പോയ മത്സ്യത്തൊഴിലാളി വള്ളം മറിഞ്ഞ് മരിച്ചു. ചെട്ടികാട് വെളിയില്‍ ജലാസിയോസ് ജോസഫാണ് മരിച്ചത്. ആലപ്പുഴ ചെട്ടികാട് തീരക്കടലില്‍ ഇന്ന് രാവിലെയാണ് സംഭവം. കടലില്‍ വീണ ജോസഫിനെ സമീപത്തുള്ള മത്സ്യത്തൊഴിലാളികള്‍ ഉടന്‍ കരയിലെത്തിച്ചെങ്കിലും രക്ഷിക്കാനായില്ല. മൃതദേഹം പോസ്റ്റ്മോര്‍ട്ടം നടപടികള്‍ക്കായി മെഡിക്കല്‍ കോളേജ് ആശുപത്രിയിലേക്ക് മാറ്റി.