ന്യൂഡല്ഹി : ഡല്ഹിയില് ശക്തമായ ഭൂചലനം. റിക്ടര് സ്കെയില് 4.5 രേഖപ്പെടുത്തിയ ഭൂചലനമാണ് ഉണ്ടായത്. ഇന്ന് രാത്രി 9. 10 ഓടെയായിരുന്നു ഭൂചലനം ഉണ്ടായത്. ഭൂചലനത്തില് ആളപായമോ നാശനഷ്ടങ്ങളോ റിപ്പോര്ട്ട് ചെയ്തിട്ടില്ല. ഹരിയാനയിലെ റോഹ്തക്ക് പ്രദേശത്തു നിന്നും 16 കിലോമീറ്റര് അകലെയായാണ് ഭൂകമ്പത്തിന്റെ പ്രഭവ കേന്ദ്രമെന്ന് നാഷണല് സെന്റര് ഫോര് സീസ്മോളജി അറിയിച്ചു.
ഡല്ഹിക്ക് പുറമേ നോയിഡയിലും ഗുരുഗ്രാമിലും പ്രകമ്പനം അനുഭവപ്പെട്ടു. കഴിഞ്ഞ ആഴ്ച മണിപ്പൂരില് ശക്തമായ ഭൂചലനം അനുഭവപ്പെട്ടിരുന്നു. ഇതിന് പിന്നാലെയാണ് ഡല്ഹിയില് ഭൂചലനം ഉണ്ടായത്. കഴിഞ്ഞ രണ്ട് മാസത്തിനിടെ ഡല്ഹിയില് നാലാമത്തെ തവണയാണ് ഭൂചലനം അനുഭവപ്പെടുന്നത്.
