മലപ്പുറം : എടപ്പാള് നടുവട്ടത്ത് വിദ്യാര്ത്ഥികളെ ഇടിച്ചിടാന് ശ്രമിച്ച ബസ് ഡ്രൈവ.ര്ക്കെതിരെ നടപടി. സ്റ്റോപ്പില് നിര്ത്താത്തതിനെ തുടര്ന്ന് പ്രതിഷേധിച്ച് ബസ് തടഞ്ഞ കുട്ടികളുടെ ഇടയിലേക്ക് ബസ് ഓടിക്കുകയായിരുന്നു. ഭാഗ്യത്തിനാണ് നടുവട്ടം ഐടിഐ യിലെ വിദ്യാര്ത്ഥികള് രക്ഷപ്പെട്ടത്. ബസിന് മുന്നിൽ കയറി നിന്ന് വിദ്യാർത്ഥികൾ നിർത്താനാവശ്യപ്പെടുമ്പോൾ അത് വകവയ്ക്കാതെ ബസ് മുന്നോട്ടെടുത്ത് ഇടിക്കാൻ ശ്രമിക്കുകയായിരുന്നു.
ദൃശ്യങ്ങൾ പ്രചരിച്ചതോടെ ബസ് ജീവനക്കാരെയും ഉടമയെയും വിളിച്ചു വരുത്തിയ പോലീസ് 3000 രൂപ പിഴ ഈടാക്കി. ഡ്രൈവറുടെ ലൈസന്സ് റദ്ദാക്കുമെന്ന് മോട്ടോര് വാഹന വകുപ്പ് അറിയിച്ചു. ഡ്രൈവറോട് നേരിട്ട് ഹാജരാകാനും ആവശ്യപ്പെട്ടിട്ടുണ്ട്. നടുവട്ടം സെന്ററില് കഴിഞ്ഞ ദിവസമായിരുന്നു സംഭവം. സൂപ്പര് ഫാസ്റ്റ് ബസിന് ആ സ്ഥലത്ത് സ്റ്റോപ്പില്ല എന്ന മറുപടിയാണ് പോലീസിനോട് ബസുകാര് നല്കിയത്.
