ഷൊര്ണൂര് : ആനയുടെ കൊമ്പ് തട്ടി ലോറിയില് നിന്ന് വീണ പാപ്പാന് മരിച്ചു. ഒന്നാം പാപ്പാന് കുഴല്മന്ദം ചെറുകുന്ന് കുഞ്ഞിരം വീട്ടില് മണികണ്ഠന് (42) ആണ് മരിച്ചത്. ചൊവ്വാഴ്ച നടന്ന അപകടത്തില് മണികണ്ഠന് ചികിത്സയിലായിരുന്നു. ചൊവ്വാഴ്ച പുലര്ച്ചെ മഗലാംകുന്ന് ഗണേശന് എന്ന ആനയെ ലോറിയില് കൊണ്ടുപോകുമ്പോള് കുളപ്പുള്ളിയില് വെച്ചാണ് സംഭവം. ചായ കുടിക്കാനായി ലോറി നിര്ത്തിയ സമയം പട്ട നല്കുന്നതിനായി മണികണ്ഠന് കയറി. ഈ സമയം ആനയുടെ കൊമ്പ് തട്ടി റോഡിലേക്ക് വീഴുകയായിരുന്നു എന്നാണ് പോലീസ് പറയുന്നത്. ഇവിടെ ഉണ്ടായിരുന്ന ഹൈവേ പോലീസ് ആണ് മണികണ്ഠനെ ആശുപത്രിയില് എത്തിച്ചത്. വെള്ളിയാഴ്ച ഉച്ചയോടെ മരണം സംഭവിച്ചു. കാവശ്ശേരി പൂരത്തിന് ആനയെ എഴുന്നള്ളിപ്പിന് കൊണ്ടുപോകുമ്പോഴായിരുന്നു അപകടം എന്ന് മണികണ്ഠന്റെ ബന്ധുക്കള് പറയുന്നു.
ആനയുടെ കൊമ്പ് തട്ടി ലോറിയില് നിന്ന് വീണ പാപ്പാന് മരിച്ചു
RECENT NEWS
Advertisment