ആറാട്ടുപുഴ : മത്സ്യബന്ധനത്തിനിടെ യന്ത്രത്തകരാര് മൂലം ഏഴ് തൊഴിലാളികളുമായി കടലില് ഒഴുകി നടന്ന ബോട്ട് കരയ്ക്കെത്തിച്ചു.
കായംകുളം ഹാര്ബറില് നിന്നും ചൊവ്വാഴ്ച രാവിലെ നാലുമണിക്ക് മത്സ്യബന്ധനത്തിന് പോയ നിറവ് എന്ന ബോട്ടാണ് ഗിയര് തകരാറിലായതിനെ തുടര്ന്ന് നിയന്ത്രണം വിട്ട് കടലില് ഒഴുകി നടന്നത്.
വിവരം അറിയിച്ചതിനെ തുടര്ന്ന് സി.ഐ. ബൈജുവിന്റെ നിര്ദേശപ്രകാരം മറൈന് എൻഫോഴ്സ്മെന്റാണ് വേഗത്തില് എത്തി രക്ഷാപ്രവര്ത്തനം നടത്തിയത്. ബോട്ട് സുരക്ഷിതമായി കായംകുളം ഹാര്ബറില് എത്തിച്ചു. യേശുദാസന് , ഡിക്സണ് ,ഔസേപ്പച്ചന്, കുഞ്ഞുമോന്, ജയിംസ് എന്നിവര് രക്ഷാപ്രവര്ത്തനങ്ങളില് പങ്കെടുത്തു.
