കോഴിക്കോട് : ബാലുശ്ശേരി കാട്ടാം വെള്ളിയില് കടകള്ക്ക് തീ പിടിച്ചു. കാട്ടാം വെള്ളിയിലെ മണിയമ്ബലത്ത് സുബാഷിന്റെ ടയര് കടക്കും മാണിയോട്ട് പ്രതാപന്റെ ഫര്ണിച്ചര് കടക്കുമാണ് തീ പിടിച്ചത്. ഇന്ന് പുലര്ച്ചെ 4.30ഓടെ ആയിരുന്നു സംഭവം. നിലവില് ഫയര്ഫോഴ്സ് എത്തി തീ അണക്കാനുള്ള ശ്രമം തുടരുകയാണ്. അപകടത്തില് ആളപായമില്ല. തീപിടുത്തത്തില് കടകള് പൂര്ണമായും കത്തി നശിച്ചതായി ഉടമകള് പറഞ്ഞു. ലക്ഷക്കണക്കിന് രൂപയുടെ നാശനഷ്ടം ഉണ്ടായതായാണ് കണക്കാക്കുന്നത്. അപകട കാരണം വ്യക്തമായിട്ടില്ല.
