റാന്നി : ഒന്നുമില്ലായ്മയിൽ നിന്നും ആരംഭിച്ച ജീവിതത്തിൽ നേടിയവയൊക്കെ ദാനമായി നൽകുമ്പോഴേ സന്തോഷവും സമാധാനവും ലഭിക്കുകയുള്ളുവെന്നും ദുഖപൂർണ്ണമായ ജീവിതം നരകതുല്യമാണെന്ന യാഥാർത്ഥ്യം ജീവിച്ചിരിക്കുന്നവർ തിരിച്ചറിയണമെന്നും കിഡ്നി ഫെഡറേഷൻ ചെയർമാനും പ്രശസ്ത ജീവകാരുണ്യ പ്രവർത്തകനുമായ ഫാ.ഡേവിസ് ചിറമേൽ പറഞ്ഞു.
ഫാ.ഡേവിസ് ചിറമേൽ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ വസ്ത്ര-ഭക്ഷ്യ ബാങ്കും മെഗാവസ്ത്രമേളയും അങ്ങാടി നാക്കോലയ്ക്കൽ സീനിയർ സിറ്റിസൺ കെയർ സെന്ററിൽ ഉദ്ഘാടനം ചെയ്യുകയായിരുന്നു അദ്ദേഹം. പൊതുസമ്മേളനവും വൃക്കരോഗികൾക്കുള്ള സഹായവും വിവിധ അവാർഡുകളും ആന്റോ ആന്റണി എംപി ഉദ്ഘാടനം ചെയ്തു. ദൈവസ്നേഹത്തിന്റെ ബഹിർസ്ഫുരണമാണ് കാരുണ്യ പ്രവർത്തനങ്ങളെന്ന് അദ്ദേഹം പറഞ്ഞു. സെന്റർ ഡയറക്ടർ വർഗീസ് മത്തായി അദ്ധ്യക്ഷത വഹിച്ചു.
റോയി മാത്യു കോർ എപ്പിസ്കോപ്പ, ഗുഡ് സമരിറ്റൻ സൊസൈറ്റി ചെയർമാൻ ഫാ.ബെൻസി മാത്യു കിഴക്കേതിൽ, ഫാ.ജോസഫ് വരമ്പക്കൽ, ജില്ലാ പഞ്ചായത്തംഗം ജെസി അലക്സ്, ഗ്രാമ പഞ്ചായത്ത് പ്രസിഡന്റുമാരായ അനിത അനിൽകുമാർ, അഡ്വ.ബിന്ദു റെജി, ചിറമേൽ ട്രസ്റ്റ് ഭാരവാഹികളായ രാജൻ.പി.തോമസ്, സി.വി.ജോസ്, ഡോ.ജെൻസി ബ്ളസൻ, ആലിച്ചൻ ആറൊന്നിൽ, റിങ്കു ചെറിയാൻ, ബോബി കിഴക്കേമുറി, തോമസ് മാമ്മൻ, ജോസഫ് കല്ലറയ്ക്കൽ, ചാക്കോ വളയനാട്ട്, മേഴ്സി പാണ്ടിയത്ത്, പ്രസാദ് കടവുപുഴ, അന്നമ്മ കുറിയാക്കോസ്, തോമസുകുട്ടി പുന്നൂസ്, അലിയാർ എരുമേലി, കെ.പി.തോമസ് കല്ലുംപുറത്ത് എന്നിവർ പ്രസംഗിച്ചു.
