തിരുവനന്തപുരം : ഹാരിസണ് കമ്പനി ഉള്പ്പെടെയുള്ളവര് കൈയേറിയ ഭൂമി തിരിച്ചുപിടിക്കാന് സര്ക്കാര് നീക്കം. സംസ്ഥാനത്തെ സിവില് കോടതികളില് ഉടന് കേസ് ഫയല് ചെയ്യുമെന്ന് റവന്യൂ മന്ത്രി കെ രാജന് വ്യക്തമാക്കി. എല്ലാ കേസുകളും അതാത് ജില്ലാ കളക്ടര്മാരുടെ നിരീക്ഷണത്തിലായിരിക്കും. 49 കേസുകളാണ് ഫയല് ചെയ്യുക.
നടപടി വേഗത്തിലാക്കാന് ജില്ലാ നിയമ ഓഫിസര്മാര്ക്ക് നിര്ദേശം നല്കിക്കഴിഞ്ഞു. പലയാളുകളും തെറ്റായ വിവരങ്ങളാണ് കോടതിയില് നല്കിയിരിക്കുന്നത്. ഇന്നലെ ചേര്ന്ന റവന്യൂ സെക്രട്ടറിയറ്റ് യോഗം ജില്ലയിലെ നിയമ ഉദ്യോഗസ്ഥരെ ഉള്പ്പെടുത്തിക്കൊണ്ടുള്ള ഒരു പ്രയത്നം ഇതില് നടത്തണമെന്ന് തീരുമാനിച്ചു. 2019ല് തന്നെ ഇത് സംബന്ധിച്ച് ഉത്തരവ് ഇറക്കിയതാണ്. കാലവര്ഷ കെടുതിയും തെരഞ്ഞെടുപ്പും കാരണം നടപ്പാക്കാന് താമസം വന്നുവെന്നുവെന്നാണ് വിശദീകരണം.
പട്ടയ ഭൂമിയിലെ മരംമുറിക്കല് സംബന്ധിച്ച നിയമ നിര്മ്മാണം ഉടനെന്നും സമഗ്ര പരിശോധന ഈ വിഷയത്തില് ഉണ്ടാകുമെന്നും മന്ത്രി പറഞ്ഞു. സര്ക്കാര് കര്ഷകര്ക്കൊപ്പമാണ്. നിയമനിര്മ്മാണം അനിശ്ചിതമായി നീളില്ലെന്നും മന്ത്രി വ്യക്തമാക്കി.
