കൊരട്ടി : പ്രണയാഭ്യര്ഥന നിരസിച്ചതിന് യുവതിയുടെ സ്കൂട്ടര് കത്തിച്ചയാളെ കൊരട്ടി പോലീസ് പിടികൂടി. ആറ്റപ്പാടം കണ്ണങ്കോട് നിസാമുദ്ദീ(41)നെയാണ് എസ്.എച്ച്.ഒ. ബി.കെ. അരുണ് അറസ്റ്റ് ചെയ്തത്. ശനിയാഴ്ച രാത്രിയോടെയാണ് സംഭവം. മുമ്പ് വിവാഹിതനായ നിസാമുദ്ദീന് യുവതിയോട് പലതവണ പ്രണയാഭ്യാര്ഥന നടത്തിയിരുന്നു. യുവതി ഇത് നിരസിച്ചിരുന്നു.
ഇതേത്തുടര്ന്നുള്ള വൈരാഗ്യത്തില് ശനിയാഴ്ച രാത്രിയോടെ ഇയാള് യുവതിയുടെ വീട്ടിലെത്തി സ്കൂട്ടര് കത്തിക്കുകയായിരുന്നു. സ്കൂട്ടര് സൂക്ഷിച്ചിരുന്ന വീടിന്റെ ജനലും വാതിലും വയറിങ്ങും കത്തിനശിച്ചു. ഇയാളുടെ പേരില് വേറെയും കേസുകളുണ്ടെന്ന് പോലീസ് പറഞ്ഞു. എസ്.ഐ.മാരായ സി.എസ്. സൂരജ്, ഷാജു എടത്താടന്, സി.എന്. എബിന്, സീനിയര് സി.പി.ഒ. വി.ആര്. രഞ്ജിത്, സി.പി.ഒ. പി.വി. ദീപു എന്നിവരും അന്വേഷണസംഘത്തിലുണ്ടായിരുന്നു.
