തിരുവനന്തപുരം : ആർത്തവ അവധിയെ ഒരു വിവാദമായി കാണേണ്ടതില്ലെന്നും അതിനെ പോസിറ്റീവായി കാണണമെന്നും വിദ്യാഭ്യാസ മന്ത്രി എൻ ഷംസുദ്ദീൻ പറഞ്ഞു. ഇത് സ്ത്രീകളെ അല്ലെങ്കിൽ വിദ്യാർത്ഥിനികളെ മാറ്റിനിർത്താനോ അവർക്ക് വിലക്കേർപ്പെടുത്താനോ ഉള്ള ഒന്നല്ല. ആർത്തവ സമയത്ത് കഠിനമായ ശാരീരിക-മാനസിക പ്രയാസങ്ങൾ അനുഭവിക്കുന്നവർക്കും ബെഡിൽ നിന്ന് എഴുന്നേൽക്കാൻ പോലും കഴിയാത്ത രീതിയിൽ വേദന അനുഭവിക്കുന്നവർക്കും വേണ്ടിയുള്ള ഒരു ഇളവാണിത് എന്നും മന്ത്രി വ്യക്തമാക്കി.
ഇത് എല്ലാവർക്കും നിർബന്ധമായ അവധിയല്ല. ആർത്തവ പ്രയാസങ്ങൾ നേരിടുന്നവർക്ക് മൂന്ന് ദിവസം വരെ ഇളവ് നൽകാനാണ് സർക്കാർ ഉദ്ദേശിക്കുന്നത്. ഇത് ഒരു ലീവായി പരിഗണിക്കാവുന്നതാണ്. പഠനത്തിലും ഔദ്യോഗിക കൃത്യനിർവഹണത്തിലും സ്ത്രീകൾക്കും കുട്ടികൾക്കും നേരിടുന്ന പ്രായോഗിക ബുദ്ധിമുട്ടുകൾക്ക് ഒരു പരിഹാരം കാണുക എന്നത് മാത്രമാണ് സർക്കാരിന്റെ താല്പര്യം എന്നും മന്ത്രി അറിയിച്ചു.
