തിരുവനന്തപുരം : നെയ്യാറ്റിൻകര മാരായമുട്ടം മലയിൽതോട്ടം സ്വദേശി അജിതയെയാണ് വീടിനുള്ളിൽ തൂങ്ങി മരിച്ച നിലയിൽ കണ്ടെത്തിയത്. അജിതയുടെ മൃതദേഹം അർത്ഥ നഗ്നയായിരുന്നതിനാൽ ദുരൂഹതയുണ്ടെന്ന് നാട്ടുകാരും ബന്ധുക്കളും ആരോപിക്കുന്നു.
അജിതയും ഭർത്താവും തമ്മിൽ വാക്കുതർക്കമുണ്ടാവുക പതിവായിരുന്നെന്ന് ബന്ധുക്കൾ പറയുന്നു. മൂന്നു മാസം മുൻപ് തന്റെ വീട്ടിലേക്ക് പോയ അജിത ഭർത്താവിന്റെ വീട്ടിലെത്തിയിട്ട് രണ്ടാഴ്ച ആയതേയുള്ളു. ഇന്ന് രാവിലെ അഞ്ച് മണിക്ക് അജിതയുടെ ഭർത്താവാണ് തൊട്ടടുത്ത വീട്ടുകാരെ ഭാര്യ ആത്മഹത്യ ചെയ്ത വിവരം അറിയിച്ചത്. തുടർന്ന് മൃതദേഹം കണ്ട ബന്ധുക്കളും നാട്ടുകാരുമാണ് മൃതദേഹം അർത്ഥ നഗ്നയായിരുന്നതിൽ ദുരൂഹത ആരോപിച്ചിരിക്കുന്നത്. മാരായമുട്ടം പോലീസും ഫോറൻസിക് വിദഗ്ധരും സ്ഥലത്തെത്തി പരിശോധന നടത്തിയ ശേഷം മൃതദേഹം പോസ്റ്റുമോർട്ടത്തിനായി തിരുവനന്തപുരം മെഡിക്കൽ കോളേജിലേക്ക് കൊണ്ടുപോയി.