പാട്ടിന്റെ വരികൾ കോപ്പിയടിച്ചെന്ന് ആരോപണം ; ഗായിക ചിന്മയി ശ്രീപദയ്ക്ക് വക്കീൽ നോട്ടീസ്

ചെന്നൈ : പാട്ടിന്റെ വരികൾ കോപ്പി അടിച്ചെന്ന് ആരോപിച്ച് ഗായിക ചിന്മയി ശ്രീപരദയ്ക്ക് വക്കീൽ നോട്ടീസ്. തമിഴ് ഗാനമായ ‘വാന്മതി’യിലെ ഏതാനും വരികൾ അനുവാദമില്ലാതെ പകർത്തിയെന്നാണ് പരാതി. ഗായിക കൗശികി ചക്രവർത്തിയാണ് നോട്ടീസ് അയച്ചത്. ചിന്മയിയെ കൂടാതെ സംഗീത സംവിധായകൻ ഷബീർ സുൽത്താനും നോട്ടീസ് അയച്ചു. അതേസമയം, വരികൾ കോപ്പിയടിയാണെന്ന് തനിക്ക് അറിവുണ്ടായിരുന്നില്ലെന്ന് ചിന്മയി പ്രതികരിച്ചു. 2015-ൽ ദർബാർ ഫെസ്റ്റിവലിൽ താൻ ആലപിച്ച സംഗീത ഭാഗങ്ങൾ അനുമതിയോ ക്രെഡിറ്റോ നൽകാതെ ‘വാന്മതി’ എന്ന ഗാനത്തിൽ ഉപയോഗിച്ചതായി കൗശികി ഇൻസ്റ്റാഗ്രാമിൽ പങ്കുവെച്ച വീഡിയോയിലൂടെ ആരോപിച്ചു. നിയമനടപടികളിലേക്ക് കടക്കുന്നതിന് മുൻപ് വിഷയം സംസാരിച്ച് തീർക്കാൻ ശ്രമിച്ചിരുന്നു. ചർച്ചകൾ പരാജയപ്പെട്ടതിനെ തുടർന്നാണ് വക്കീൽ നോട്ടീസ് അയച്ചതെന്നും അവർ വ്യക്തമാക്കി.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1