തിരുവനന്തപുരം : ഭരണഘടനയെ അപമാനിച്ചെന്ന പരാതിയില് മുന് മന്ത്രി സജി ചെറിയാനെതിരെ പോലീസ് ഇന്ന് കേസെടുക്കും. സജി ചെറിയാനെതിരെ കേസെടുക്കാന് തിരുവല്ല ജുഡീഷ്യല് മജിസ്ട്രേറ്റ് കോടതി കഴിഞ്ഞ ദിവസം നിര്ദേശം നല്കിയിരുന്നു. തിരുവല്ല ഡിവൈഎസ് പി ടി രാജപ്പന് റാവുത്തറിന്റെ നേതൃത്വത്തിലായിരിക്കും കേസ് അന്വേഷിക്കുക.
അതേസമയം, സജി ചെറിയാന് എം എല് എ സ്ഥാനവും രാജിവയ്ക്കണമെന്ന ആവശ്യത്തില് ഉറച്ചുനില്ക്കുകയാണ് പ്രതിപക്ഷം. നിയമസഭയ്ക്ക് അകത്തും പുറത്തും പ്രതിപക്ഷം പ്രതിഷേധം ശക്തമാക്കും. സജി ചെറിയാന് എം എല് എ സ്ഥാനം രാജിവയ്ക്കേണ്ടെന്ന നിലപാടിലാണ് സിപിഎം. ഒരിക്കല് പോലും ഭരണഘടനയെ അവഹേളിക്കാന് ഉദ്ദേശ്യമില്ലായിരുന്നുവെന്നും പ്രസംഗത്തിലെ ചിലഭാഗങ്ങള് അടര്ത്തിയെടുത്ത് ദുഷ്പ്രചാരണം നടത്തുകയാണെന്നും സജി ചെറിയാന് നേരത്തെ പ്രതികരിച്ചിരുന്നു. ഇന്നലെയാണ് സജി ചെറിയാന് മന്ത്രിസ്ഥാനം രാജിവച്ചത്.
