Skip to content

യുക്രെയ്‌‌നിൽ ഫ്രഞ്ച് സൈന്യത്തിന്റെ സാന്നിധ്യം : കടുത്ത അതൃപ്തി അറിയിച്ച് റഷ്യ ; പ്രതികരണവുമായി ഫ്രാൻസ്

പാരിസ്: യുക്രെയ്‌‌നിലേക്ക് ഫ്രഞ്ച് സൈന്യത്തെ അയച്ച വിവരം തങ്ങൾക്ക് ലഭിച്ചിട്ടുണ്ടെന്ന് റഷ്യ. ഇത് യുദ്ധത്തിലെ ‘നേരിട്ടുള്ള പങ്കാളിത്തം’ ആണെന്ന് ആരോപിച്ച റഷ്യ, തങ്ങളുടെ കടുത്ത അതൃപ്തി ഫ്രാൻസിനെ ഔദ്യോഗികമായി അറിയിച്ചതായും വ്യക്തമാക്കി. ‘ഫ്രഞ്ച് സൈന്യം മാത്രമല്ല അവിടെയുള്ളത്. ഇതേക്കുറിച്ച് ഞങ്ങൾക്ക് വ്യക്തമായി അറിയാം. ഞങ്ങളുടെ ആശങ്ക ഫ്രാൻസിനെ അറിയിച്ചിട്ടുണ്ട്. ഇത് യുക്രെയ്‌‌നിലുള്ള കേവല പിന്തുണയല്ല, മറിച്ച് യുദ്ധത്തിലെ നേരിട്ടുള്ള പങ്കാളിത്തമാണ്’ – റഷ്യൻ വിദേശകാര്യമന്ത്രി സെർഗെയ് ലാവ്റോവ് മാധ്യമപ്രവർത്തകരോട് പറഞ്ഞു. യുക്രെയ്‌ൻ സൈനികർക്ക് പരിശീലനം നൽകുന്നതിനും സൈനികോപകരണങ്ങളുടെ അറ്റകുറ്റപ്പണികൾക്കുമായി ഫ്രഞ്ച് സൈനികർ മാസങ്ങളായി അവിടെയുണ്ടെന്ന് ഒരു വിശ്വസനീയ കേന്ദ്രത്തെ ഉദ്ധരിച്ച് വാർത്താ ഏജൻസി എഎഫ്‌പി ഉൾപ്പെടെ വെളിപ്പെടുത്തിയതിന് തൊട്ടുപിന്നാലെയാണ് ലാവ്‌റോവിന്റെ പ്രതികരണം.

എന്നാൽ ഫ്രഞ്ച് സൈന്യത്തിന്റെ സാന്നിധ്യം യുദ്ധത്തിലെ ‘നേരിട്ടുള്ള പങ്കാളിത്തം’ ആണെന്ന ലാവ്റോവിന്റെ വാദത്തെ അസംബന്ധം എന്ന് ഫ്രാൻസ് പ്രതികരിച്ചു. പരിശീലനത്തിനും സാങ്കേതിക ഉപകരണങ്ങളുടെ പരിപാലനത്തിനുമായി വളരെ പരിമിതമായ തോതിൽ മാത്രമാണ് സൈന്യത്തെ യുക്രെയ്‌‌നിൽ വിന്യസിച്ചിട്ടുള്ളതെന്ന് ഫ്രഞ്ച് ഡെപ്യൂട്ടി പ്രതിരോധ മന്ത്രി ആലീസ് റൂഫോ പാർലമെന്റിൽ വ്യക്തമാക്കി. ‘റഷ്യൻ വിദേശകാര്യ മന്ത്രി പറഞ്ഞതിന് വിപരീതമായി, നേരിട്ട് യുദ്ധത്തിൽ ഏർപ്പെടാനുള്ള യാതൊരു ഉദ്ദേശ്യവും ഞങ്ങൾക്കില്ല. അദ്ദേഹത്തിന്റെ പ്രസ്താവന തികച്ചും അടിസ്ഥാനരഹിതമാണ്’ – ആലീസ് റൂഫോ പറഞ്ഞു.

Have news from your area?

WhatsApp or email the news desk.

75104 53033 ptamedianews@gmail.com

Most read

  1. കേരളത്തെ നടുക്കിയ കോന്നി പോപ്പുലർ ഫിനാൻസ് തട്ടിപ്പ് : 30,000-ത്തിലധികം നിക്ഷേപകർ – 1,600 കോടിയുടെ തട്ടിപ്പ് – 12,000 ക്ലെയിമുകൾക്ക് നിക്ഷേപത്തിന്റെ 25 ശതമാനം ലഭിക്കാന്‍ വഴിയൊരുങ്ങുന്നു

  2. 49 NBFCകളുടെ രജിസ്ട്രേഷൻ റദ്ദാക്കി : കര്‍ശന നടപടിയുമായി റിസർവ് ബാങ്ക്

  3. 13 NBFCകൾക്ക് തിരിച്ചടി ; അഞ്ച് ധനകാര്യ സ്ഥാപനങ്ങളുടെ രജിസ്ട്രേഷൻ റദ്ദാക്കി RBI

  4. നിധി കമ്പനികളുടെ പേരിൽ നിക്ഷേപ തട്ടിപ്പിന് സാധ്യത ; ഇന്ത്യയില്‍ അംഗീകാരമുള്ളത് 395 കമ്പനികള്‍ക്ക് മാത്രം – പൊതുജനങ്ങൾക്ക് കേന്ദ്ര സർക്കാരിന്റെ മുന്നറിയിപ്പ്

  5. കൈപ്പട്ടൂരില്‍ പട്ടാപ്പകല്‍ വീട്ടില്‍ നിന്നും റബര്‍ ഷീറ്റ് മോഷ്ടിച്ചു : മോഷ്ടാവിനെ കണ്ടെത്താന്‍ പോലീസ് അന്വേഷണമാരംഭിച്ചു

Share on WhatsApp

Share this story

യുക്രെയ്‌‌നിൽ ഫ്രഞ്ച് സൈന്യത്തിന്റെ സാന്നിധ്യം : കടുത്ത അതൃപ്തി അറിയിച്ച് റഷ്യ ; പ്രതികരണവുമായി ഫ്രാൻസ് pathanamthittamedia.com