കൊച്ചി : ക്വാറി നടത്തിപ്പില് പങ്കാളിത്തം വാഗ്ദാനം ചെയ്ത് വഞ്ചിച്ചെന്ന പരാതിയില് പി.വി അന്വര് എം.എല്.എയെ എന്ഫോഴ്സ്മെന്റ് ഡയറക്ടറേറ്റ് (ഇ.ഡി) ഇന്ന് ചോദ്യം ചെയ്യും. കൊച്ചി ഓഫീസില് ഹാജരാകാന് നിര്ദ്ദേശിച്ച് അന്വറിനും പരാതിക്കാരനും ഉള്പ്പെടെ ഇ.ഡി നോട്ടീസ് നല്കി. പരാതിയുമായി ബന്ധപ്പെട്ട രേഖകള് ഹാജരാക്കാനും നിര്ദ്ദേശിച്ചിട്ടുണ്ട്. ഇടപാടില് കള്ളപ്പണ, ഹവാല ഇടപാടുകള് നടന്നോയെന്നാണ് ഇ.ഡി അന്വേഷിക്കുന്നത്.
മംഗലാപുരം ബെല്ത്തങ്ങാടിയിലെ ക്രഷര് പി.വി അന്വറിന് വില്പന നടത്തിയ കാസര്കോട് സ്വദേശി ഇബ്രാഹിം, തട്ടിപ്പിനിരയായ പ്രവാസി എന്ജിനിയര് മലപ്പുറം പട്ടര്ക്കടവ് സ്വദേശി നടുത്തൊടി സലീം എന്നിവര്ക്കുമാണ് അന്വറിനെ കൂടാതെ ഹാജരാകാന് നോട്ടീസ് നല്കിയത്.
