കായംകുളം : വാടകക്ക് എടുത്ത വാഹനങ്ങള് മറിച്ച് വില്ക്കുന്ന കേസില് മൂന്നാം പ്രതി പിടിയില്. ചേരാവള്ളി സിയാദ് മന്സിലില് അബ്ദുള് വാഹിദാണ് (46) പോലീസ് പിടിയിലായത്. കീരിക്കാട് കണ്ണമ്പള്ളിഭാഗം വേലിയയ്യത്ത് വീട്ടില് ഇല്യാസ് കുഞ്ഞിന്റെ ക്വാളിസ് വാഹനം വാടകക്ക് എടുത്ത ശേഷം പുതിയകാവ് ചിറ്റുമൂലയിലുള്ള മറ്റൊരാള്ക്ക് പണയം വെച്ച് 1,35,000 രൂപ വാങ്ങിയ കേസിലാണ് അറസ്റ്റ്. രണ്ടാം പ്രതി ചേരാവള്ളി കളീയ്ക്കല് പുത്തന് വീട്ടില് അബ്ദുള് റഷീദ് നേരത്തേ പിടിയിലായിരുന്നു. ഒന്നാം പ്രതിയായ കായംകുളം എം.എസ്.എം സ്കൂളിന് സമീപം പട്ടന്റയ്യത്ത് വീട്ടില് മുഹമ്മദ് സഫിയാന് ഒളിവിലാണ്. ഇത്തരത്തിലുള്ള റാക്കറ്റിനെതിരെ ശക്തമായ നടപടികള് സ്വീകരിക്കുമെന്ന് ജില്ല പോലീസ് മേധാവി ജി. ജയ്ദേവ് അറിയിച്ചു. കായംകുളം കോടതിയില് ഹാജരാക്കിയ പ്രതിയെ റിമാന്റ് ചെയ്തു.
