ചെന്നൈ: തമിഴ് കവിയും ഗാനരചയിതാവുമായ കബിലന്റെ മകള് തൂരിഗൈ (28) യെ മരിച്ച നിലയില് കണ്ടെത്തി. അരുമ്പാക്കം എം.എം.ഡി.എ. കോളനി തിരുപ്പൂര് കുമാരന് സ്ട്രീറ്റിലെ വീട്ടിലെ മൂന്നാംനിലയിലെ മുറിയിലാണ് ഫാനില് തൂങ്ങിമരിച്ചനിലയില് കണ്ടെത്തി. മാതാപിതാക്കള് വിവാഹത്തിന് നിര്ബന്ധിച്ചതിനാലാണ് ജീവനൊടുക്കിയതെന്നാണ് പ്രാഥമിക നിഗമനം. മറ്റെന്തെങ്കിലും കാരണങ്ങളുണ്ടോയെന്നും അന്വേഷിച്ചു വരുകയാണ് പോലീസ്.
എം.ബി.എ.ക്കാരിയായ തൂരിഗൈ ഫാഷന് ഡിസൈനറും എഴുത്തുകാരിയുമാണ്. തമിഴ് സിനിമകള്ക്ക് വസ്ത്രാലങ്കാരം നിര്വഹിച്ചിട്ടുണ്ട്. സ്ത്രീകള്ക്കായി ഡിജിറ്റല് മാസികയും പുറത്തിറക്കുന്നുണ്ട്. ഇതിന്റെ രണ്ടാം വാര്ഷികാഘോഷത്തിന്റെ ഭാഗമായി മദ്രാസ് ഐ.ഐ.ടി.യില് അവാര്ഡ് ദാനച്ചടങ്ങ് നടത്താനുള്ള ഒരുക്കത്തിലായിരുന്നു. 2001 മുതല് തമിഴില് അറിയപ്പെടുന്ന ഗാനരചയിതാവാണ് കബിലന്. കാര്ത്തിക് രാജ സംഗീതം നിര്വഹിച്ച ‘പിശാസ് 2’ എന്ന ചിത്രത്തിനാണ് ഒടുവില് രചിച്ചത്.
