പത്തനംതിട്ട : തദ്ദേശ സ്വയംഭരണ സ്ഥാപനങ്ങളുടെ അധികാരങ്ങളും ഫണ്ടും കവർന്നെടുത്ത് അവയെ പിണറായി സർക്കാർ നോക്കുകുത്തിയാക്കിയെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ പറഞ്ഞു. മൈലപ്രാ ഗ്രാമപഞ്ചായത്ത് കമ്മിറ്റിയുടെ ഭരണത്തിലെ അഴിമതി, കെടുകാര്യസ്ഥത, വികസന മുരടിപ്പ് എന്നിവക്കെതിരെ മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നടത്തിയ കുറ്റപത്ര സമർപ്പണ വിചാരണ യാത്ര കുമ്പഴവടക്ക് ജംഗ്ഷനിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. തദ്ദേശ സ്ഥാപനങ്ങളുടെ തനത് ഫണ്ടു പോലും വെട്ടിക്കുറക്കുകയും അധികാരം കവർന്നെടുക്കുകയും ചെയ്ത് വികസനത്തിന് തടസം സൃഷ്ടിച്ചതായും ഇതിനെതിരെ അടുത്ത് നടക്കുവാൻ പോകുന്ന തിരഞ്ഞെടുപ്പിൽ ജനങ്ങൾ വിധി എഴുതുമെന്നും ഡി.സി.സി പ്രസിഡന്റ് പറഞ്ഞു.
മണ്ഡലം പ്രസിഡന്റ് വിൽസൺ തുണ്ടിയത്ത് അദ്ധ്യക്ഷത വഹിച്ചു. ഡി.സി.സി സംഘടനാകാര്യ ജനറൽ സെകട്ടറി സാമുവൽ കിഴക്കുപുറം, ജെയിംസ് കീക്കരിക്കാട്ട്,
പി.കെ ഗോപി, മാത്യു തോമസ്സ്, ബേബി മൈലപ്രാ, ലിബു മാത്യു, ജോർജ് യോഹന്നാൻ, സിബി ജേക്കബ്, പ്രസാദ് ഉതിമൂട്, എസ്. സുനിൽകുമാർ, ബിന്ദു ബിനു, ജെസ്സി വർഗീസ്, ബിജു സാമുൽ, ജേക്കബ് വർഗീസ് എൽസി ഈശോ അനിതാ മാത്യു, മഞ്ജു സന്തോഷ്, രാജു പുല്ലൂർ, ജോബിൻ വി തോമസ്സ്, മാത്യുക്കുട്ടി വർഗീസ്, സാ കുട്ടി സാമുവൽ, ജേക്കബ് കൈപ്പശ്ശേരി എന്നിവർ പ്രസംഗിച്ചു.
