തൃശ്ശൂര് : ജനറല് ആശുപത്രി വികസനത്തിന് കിഫ്ബി ഫണ്ടില്നിന്ന് 18.40 കോടി രൂപയുടെ പദ്ധതിക്ക് ഭരണാനുമതി. അത്യാഹിത വിഭാഗം, ഒപി വിഭാഗം, രോഗ നിര്ണയ സംവിധാനം എന്നിവ വികസിപ്പിക്കാന് കെട്ടിടം പണിയുന്നതിനും ഉപകരണങ്ങള് വാങ്ങുന്നതിനുമായാണ് സഹായം. ആശുപത്രിയിലെ ചികിത്സാ രംഗത്ത് എല്ഡിഎഫ് സര്ക്കാരിന്റെ ആര്ദ്രം ദൗത്യംവഴി ഹൈടെക് സൗകര്യങ്ങളൊരുക്കിയിരുന്നു.
ട്രോമാ കെയര് ആന്ഡ് എമര്ജന്സി വിഭാഗവും കൂടുതല് ഡയാലിസിസ് സൗകര്യങ്ങളും സൂപ്പര് സ്പെഷ്യാലിറ്റി വിഭാഗങ്ങള്ക്ക് ഒപി, വാര്ഡ് എന്നിവയും ആധുനിക ഓപ്പറേഷന് തിയറ്റര് കോംപ്ലക്സും ഇന്റന്സീവ് കെയര് യൂണിറ്റുകളും കൂട്ടിരിപ്പുകാര്ക്ക് ഡോര്മിറ്ററിയും മള്ട്ടിലെവല് ഓട്ടോമാറ്റിക് പാര്ക്കിങ് സൗകര്യങ്ങളും പുതിയ പദ്ധതിയിലുണ്ടാകും. നിര്മ്മാണത്തിന് മേല്നോട്ടം വഹിക്കുന്നത് എച്ച്എല്എല്ലിന്റെ ഉപകമ്പനിയായ ഹൈറ്റ്സ് ആണ്.
