പുനലൂര് : ആര്യങ്കാവ് പഞ്ചായത്തിലെ താഴെ ആനച്ചാടി ലയത്തില് പശുക്കുട്ടിയെ പുലി കടിച്ചു കൊന്നു. വ്യാഴാഴ്ച രാത്രിയില് ചന്ദ്രബോസിന്റെ വീടിന് ചേര്ന്നുള്ള തൊഴുത്തില് കെട്ടിയിട്ടിരിക്കുകയായിരുന്ന രണ്ടു വയസ്സ് പ്രായമുള്ള പശുക്കുട്ടിയാണ് ആക്രമണത്തിനിരയായത്. രാത്രിയില് പുലിയുടെ മുരള്ച്ച കേട്ടെങ്കിലും ഭയന്ന് വീട്ടിലുള്ളവര് പുറത്തിറങ്ങിയില്ല. വെള്ളിയാഴ്ച രാവിലെ നോക്കുമ്പോഴാണ് പശുക്കുട്ടിയെ ഭാഗികമായി പുലി തിന്നിട്ടിരിക്കുന്നത് കണ്ടത്. ആര്യങ്കാവ് റേഞ്ച് ഓഫിസര് ജെ. ജെല്സന്റെ നേതൃത്വത്തില് വനപാലകരെത്തി പശുക്കുട്ടിയെ കൊന്നത് പുലിയാണെന്ന് സ്ഥിരീകരിച്ചു. അപേക്ഷ ലഭിക്കുന്ന മുറക്ക് പശുക്കുട്ടിയുടെ നഷ്ടപരിഹാരം നല്കുമെന്ന് റേഞ്ച് ഓഫീസര് പറഞ്ഞു.
