തൃശൂര് : ജില്ലയില് 2 പേര്ക്കു കൂടി ഒമിക്രോണ് സ്ഥിരീകരിച്ചു. ഷാര്ജയില് നിന്ന് എത്തിയ പീച്ചി സ്വദേശിയായ ഇരുപത്തിയേഴുകാരനും അജ്മാനില് നിന്നെത്തിയ മതിലകം സ്വദേശിയുമാണ് പോസിറ്റീവായത്. ഇവരെ മെഡിക്കല് കോളേജ് നെഞ്ചു രോഗ ആശുപത്രിയിലെ പ്രത്യേക വാര്ഡില് പ്രവേശിപ്പിച്ചു.
ഇവിടെ നേരത്തേ പ്രവേശിപ്പിച്ച 2 ഒമിക്രോണ് ബാധിതരെയും ഇവരുടെ സമ്പര്ക്ക പട്ടികയില് ഉണ്ടായിരുന്ന മറ്റൊരാളെയും കഴിഞ്ഞ ദിവസമാണ് ഡിസ്ചാര്ജ് ചെയ്തത്. ഇന്നലെ പ്രവേശിപ്പിച്ചവരുടെ സമ്പര്ക്ക പട്ടികയില് ഇരുപതോളം പേരുണ്ട്. ഒരാള് വിവാഹ നിശ്ചയ ചടങ്ങില് ഉള്പ്പെടെ പങ്കെടുത്തിരുന്നു. ജില്ലയില് ഒമിക്രോണ് ബാധയുടെ പേരില് ആശങ്കയ്ക്ക് അടിസ്ഥാനമില്ലെന്ന് ഡിഎംഒ ഡോ.എന്.കെ.കുട്ടപ്പന് പറഞ്ഞു.
