ആലുവ : യൂ ട്യൂബ് വ്ലോഗറെ ആലുവയിലെ ടൂറിസ്റ്റ് ഹോമില് മരിച്ചനിലയില് കണ്ടെത്തി. തൃക്കാക്കര പൂയ്യച്ചിറ കിഴക്കേക്കരവീട്ടില് അബ്ദുള് ഷുക്കൂറി (49) നെയാണ് ആത്മഹത്യ ചെയ്ത നിലയില് കണ്ടെത്തിയത്. ഞാന് ഒരു കാക്കനാടന് എന്ന യൂ ട്യൂബ് ചാനലിലൂടെയാണ് അബ്ദുള് ഷുക്കൂര് വ്ലോഗിങ് നടത്തിയിരുന്നത്. മൂന്നുദിവസം മുന്പാണ് ആലുവ റെയില്വേ സ്റ്റേഷനുസമീപത്തെ ടൂറിസ്റ്റ് ഹോമില് അബ്ദുള് ഷുക്കൂര് മുറിയെടുത്തത്. ബുധനാഴ്ച രാത്രി എട്ടുമണിയോടെ ടൂറിസ്റ്റ് ഹോമിലെ ജീവനക്കാരാണ് മരിച്ചനിലയില് കണ്ടെത്തിയത്.
കടബാധ്യതയും പണം കടമായി നല്കിയ വട്ടിപ്പലിശക്കാരന്റെ ഭീഷണിയുമാണ് മരണകാരണമെന്ന് സൂചിപ്പിക്കുന്ന കുറിപ്പ് പോലീസ് കണ്ടെടുത്തു. അഞ്ചുലക്ഷം രൂപ 2015-ല് കടം വാങ്ങിയതായി കത്തില് പറയുന്നു. മാസം 25000 രൂപവീതം പലിശനിരക്കില് 15 ലക്ഷത്തോളം രൂപ 2021 വരെ അടച്ചിട്ടും നിരന്തരം തന്നെയും കുടുംബത്തെയും ഭീഷണിപ്പെടുത്തിയതായി കത്തില് പരാമര്ശിക്കുന്നുണ്ടെന്ന് പോലീസ് പറഞ്ഞു. പോസ്റ്റ്മോര്ട്ടത്തിനുശേഷം മൃതദേഹം ബന്ധുക്കള്ക്ക് വിട്ടുകൊടുത്തു. ആലുവ പോലീസ് കേസ് രജിസ്റ്റര് ചെയ്തിട്ടുണ്ട്. പലിശക്കാരനെ ചോദ്യം ചെയ്യും. ഭാര്യ : റഷീദ. മകന് : ഫഹദ് (ഭാരത് മാതാ കോളേജ് ഡിഗ്രി വിദ്യാര്ത്ഥി).
