പ്രായപൂർത്തിയാകാത്ത പെൺകുട്ടിയെ പീഡിപ്പിക്കാൻ ശ്രമം : പ്രതി അറസ്റ്റില്‍

കോന്നി : പ്രായപൂർത്തിയാകാത്ത പെൺകുട്ടി മാത്രമുള്ള വീട്ടിൽ കടന്നുകയറി കുട്ടിയെ കടന്നുപിടിക്കുകയും ലൈംഗികമായി ഉപദ്രവിക്കാൻ ശ്രമിക്കുകയും ചെയ്ത കേസിൽ മധ്യവയസ്കനെ കോന്നി പോലീസ് അറസ്റ്റ് ചെയ്തു. കോന്നി വകയാർ സ്വദേശി വൈറ്റ് ഹൗസിൽ ലൗജൻ ഹസൻകുട്ടി (53) യെയാണ് കോന്നി പോലീസ് അറസ്റ്റ് ചെയ്തത്. വ്യാഴാഴ്ച വൈകിട്ട് അഞ്ചുമണിയോടെയാണ് കേസിനാസ്പദമായ സംഭവം നടന്നത്. പ്രായപൂർത്തിയാകാത്ത പെൺകുട്ടി മാത്രമുള്ള വീട്ടിൽ കടന്നുകയറിയ പ്രതി കുട്ടിയെ ഉപദ്രവിക്കാൻ ശ്രമിക്കുകയായിരുന്നു. പെൺകുട്ടിയുടെ മൊഴി രേഖപ്പെടുത്തി കേസ് രജിസ്റ്റർ ചെയ്ത കോന്നി പോലീസ് അന്വേഷണം നടത്തുകയും പ്രതിയെ അറസ്റ്റ് ചെയ്യുകയുമായിരുന്നു.

കോന്നി പോലീസ് സർക്കിൾ ഇൻസ്പെക്ടർ കിരൺ വി.എസ്., സബ് ഇൻസ്പെക്ടർ ഷൈജു എസ്., ഉദ്യോഗസ്ഥരായ അനീഷ്, ശരത്ത് എസ്., ഗോകുൽ എന്നിവരടങ്ങിയ സംഘമാണ് പ്രതിയെ പിടികൂടിയത്. പത്തനംതിട്ട ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.