തിരുവല്ല : എസ്.എൻ.ഡി.പി.യോഗം തിരുവല്ല യൂണിയൻ യൂത്ത് മൂവ്മെന്റിന്റെയും സൈബർസേനയുടെയും സംയുക്താഭിമുഖ്യത്തിൽ തൈമറവുംകര 6326-ാം ശാഖയിൽ ഗുരുവിചാര ജ്ഞാനയജ്ഞം സംഘടിപ്പിച്ചു. എസ്.എൻ.ഡി.പി.യോഗം ഇൻസ്പെക്ടിംഗ് ഓഫീസർ രവീന്ദ്രൻ എഴുമറ്റൂർ ഉദ്ഘാടനം ചെയ്തു. ശാഖാ പ്രസിഡന്റ് സിജു കാവിലേത്ത് അദ്ധ്യക്ഷത വഹിച്ചു. യൂണിയൻ യൂത്ത് മൂവ്മെന്റ് കൺവീനർ അനീഷ് ആനന്ദ് ജ്ഞാന സന്ദേശം നൽകി. സൈബർസേന കേന്ദ്രസമിതി ജോ.കൺവീനർ ശരത്ത് ശശി സംഘടന സന്ദേശം നൽകി.
അഡ്വ.വി.എസ് അനീഷ്, സുജിത്ത് പി, ഹരിലാൽ എസ്, ചിത്ര കാർത്തികേയൻ, രശ്മി അനീഷ്, എന്നിവർ പ്രസംഗിച്ചു. ശാഖാ സെക്രട്ടറി രാജേഷ് ശശിധരൻ സ്വാഗതവും സൈബർസേന കൺവീനർ ബിബിൻ ബിനു കൃതജ്ഞതയും പറഞ്ഞു. ചടങ്ങിൽ എസ്.എസ്.എൽ.സി, പ്ലസ്ടു പരീക്ഷകളിൽ ഉന്നതവിജയം നേടിയവരെ ഇൻസ്പെക്ടിംഗ് ഓഫീസർ രവീന്ദ്രൻ എഴുമറ്റൂർ അനുമോദിച്ചു.
