കുവൈത്തിൽ 3,000 ദിനാറിൽ താഴെയുള്ള ഇടപാടുകളും ഇനി നിരീക്ഷണത്തിൽ

കുവൈത്ത് സിറ്റി : കുവൈത്തിൽ 3,000 ദിനാറിൽ താഴെയുള്ള ബാങ്ക് നിക്ഷേപങ്ങളും പണമിടപാടുകളും നിരീക്ഷിക്കുന്നതിനുള്ള നടപടികൾ ശക്തമാക്കാൻ സെൻട്രൽ ബാങ്ക് നിർദേശം. ചെറിയ തുകകൾ തുടർച്ചയായി നിക്ഷേപിക്കുന്നതും ബാങ്ക് അക്കൗണ്ടുകളിലൂടെ ആവർത്തിച്ച് പണം കൈമാറുന്നതും സംശയാസ്പദമായ സാഹചര്യങ്ങളിൽ കൂടുതൽ പരിശോധനയ്ക്ക് വിധേയമാക്കും. കള്ളപ്പണം വെളുപ്പിക്കൽ, ഭീകരവാദ പ്രവർത്തനങ്ങൾക്കുള്ള സാമ്പത്തിക സഹായം എന്നിവ തടയുന്നതിന്‍റെ ഭാഗമായാണ് പുതിയ നടപടി. ഇതുവരെ ഒരാൾ ഒരു ദിവസം നടത്തുന്ന 3,000 ദിനാറോ അതിലധികമോ വരുന്ന നിശ്ചിത നിക്ഷേപങ്ങളും കുവൈത്തിലേക്കുള്ള ബാങ്ക് ട്രാൻസ്ഫറുകളുമാണ് പ്രത്യേക റിപ്പോർട്ടിങ് സംവിധാനത്തിൽ ഉൾപ്പെടുത്തിയിരുന്നത്. എന്നാൽ ഈ പരിധിക്ക് താഴെയുള്ള ഇടപാടുകളും സംശയകരമായ രീതിയിൽ ആവർത്തിക്കുന്നുണ്ടെങ്കിൽ നിരീക്ഷിക്കാനാണ് പുതിയ നിർദേശം.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1