Skip to content

സംസ്ഥാനത്ത് സ്വർണ്ണവില കുത്തനെ കുറഞ്ഞതോടെ ജ്വല്ലറി വ്യാപാര മേഖലയിൽ സമ്മിശ്ര പ്രതികരണം

കൊച്ചി: അന്താരാഷ്ട്ര വിപണിയിലെ തുടർച്ചയായ ഇടിവിനെത്തുടർന്ന് സംസ്ഥാനത്ത് സ്വർണ്ണവില കുത്തനെ കുറഞ്ഞതോടെ ജ്വല്ലറി വ്യാപാര മേഖലയിൽ സമ്മിശ്ര പ്രതികരണം. കഴിഞ്ഞ രണ്ടാഴ്ചയ്ക്കിടെ പവന് 9,360 രൂപയുടെ കുറവുണ്ടായതോടെ ഏറെ നാളുകൾക്കുശേഷം സ്വർണ്ണവില വീണ്ടും ഒരു ലക്ഷം രൂപയ്ക്ക് താഴെയെത്തി.നവംബർ 5-ന് 22 കാരറ്റ് സ്വർണ്ണം പവന് 1,07,080 രൂപയായിരുന്നു. എന്നാൽ നവംബർ 18 ആയപ്പോഴേക്കും വില 97,720 രൂപയായി താഴ്ന്നു. ഗ്രാമിന് 1,170 രൂപയുടെ കുറവാണ് ഈ കാലയളവിൽ രേഖപ്പെടുത്തിയത്. അന്താരാഷ്ട്ര വിപണിയിൽ സ്വർണ്ണവില ട്രോ

യ് ഔൺസിന് 3,770 ഡോളർ നിലവാരത്തിലേക്ക് താഴ്ന്നതാണ് ആഭ്യന്തര വിപണിയിലും പ്രതിഫലിച്ചത്. അമേരിക്കൻ ഡോളറിന്റെ മുന്നേറ്റവും ഫെഡറൽ റിസർവ് പലിശനിരക്ക് സംബന്ധിച്ച പ്രതീക്ഷകളിലുണ്ടായ മാറ്റങ്ങളുമാണ് ആഗോള വിപണിയിൽ വില കുറയാൻ ഇടയാക്കിയത്. വിലക്കുറവ് വിപണിക്ക് പൊതുവെ ഗുണകരമാണെന്നാണ് വ്യാപാരികളുടെ വിലയിരുത്തൽ. ഉയർന്ന വില കാരണം സ്വർണ്ണം വാങ്ങുന്നത് മാറ്റിവെച്ചിരുന്നവരും വിവാഹ ആവശ്യങ്ങൾക്കായി കാത്തിരുന്നവരും ഇപ്പോൾ ജ്വല്ലറികളിലേക്ക് എത്തുന്നുണ്ട്.

എന്നാൽ അന്താരാഷ്ട്ര വിപണിയിലെ ഇടിവ് തുടരുന്നതിനാൽ വില ഇനിയും കുറയുമെന്ന പ്രതീക്ഷയിൽ വാങ്ങൽ നീട്ടിവെക്കുന്നവരും ഏറെയാണ്. ഇക്കാരണത്താൽ വിപണിയിൽ പൂർണ്ണമായൊരു ഉണർവ് ഇതുവരെ പ്രകടമായിട്ടില്ല. വിലയിലുണ്ടാകുന്ന പെട്ടെന്നുള്ള ചാഞ്ചാട്ടം വ്യാപാരികൾക്കും പ്രതിസന്ധി സൃഷ്ടിക്കുന്നുണ്ട്. ഉയർന്ന വിലയ്ക്ക് വാങ്ങി സ്റ്റോക്ക് ചെയ്ത സ്വർണ്ണത്തിന്റെ മൂല്യം ഇടിയുന്നത് വ്യാപാരികളുടെ പ്രവർത്തന മൂലധനത്തെയും സ്റ്റോക്ക് മാനേജ്മെന്റിനെയും ബാധിക്കുന്നതായി കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ ജനറൽ സെക്രട്ടറി അഡ്വ. എസ്. അബ്ദുൽ നാസർ ചൂണ്ടിക്കാട്ടി.

Have news from your area?

WhatsApp or email the news desk.

75104 53033 ptamedianews@gmail.com

Most read

  1. കേരളത്തെ നടുക്കിയ കോന്നി പോപ്പുലർ ഫിനാൻസ് തട്ടിപ്പ് : 30,000-ത്തിലധികം നിക്ഷേപകർ – 1,600 കോടിയുടെ തട്ടിപ്പ് – 12,000 ക്ലെയിമുകൾക്ക് നിക്ഷേപത്തിന്റെ 25 ശതമാനം ലഭിക്കാന്‍ വഴിയൊരുങ്ങുന്നു

  2. 49 NBFCകളുടെ രജിസ്ട്രേഷൻ റദ്ദാക്കി : കര്‍ശന നടപടിയുമായി റിസർവ് ബാങ്ക്

  3. അമ്പലപ്പുഴ പുറക്കാട്ട് ആള്‍താമസമില്ലാത്ത വീട്ടിലെ മോഷണ ശ്രമം വിദേശത്തിരുന്ന് വീട്ടുടമ പൊളിച്ചു

  4. ബിജെപി വിടാനൊരുങ്ങി പത്മജ വേണുഗോപാൽ

  5. ക്വാഡ് ഉച്ചകോടിയിൽ സ്ഥാനം അടയാളപ്പെടുത്താൻ തറയിൽ പതിച്ച ഇന്ത്യൻ പതാക കാർഡ് പോക്കറ്റിൽ സൂക്ഷിച്ച് പ്രധാനമന്ത്രി

Share on WhatsApp

Share this story

സംസ്ഥാനത്ത് സ്വർണ്ണവില കുത്തനെ കുറഞ്ഞതോടെ ജ്വല്ലറി വ്യാപാര മേഖലയിൽ സമ്മിശ്ര പ്രതികരണം pathanamthittamedia.com