റോഡില്‍ വീണ ഡീസലില്‍ തെന്നി വാഹനാപകടം : യാത്രക്കാരന് പരിക്ക്

റാന്നി : പുനലൂര്‍ – മൂവാറ്റുപുഴ സംസ്ഥാന പാതയിലെ തോട്ടമണ്‍ വളവില്‍ ഡീസല്‍ വീണതിനെ തുടര്‍ന്ന് ബൈക്ക് തെന്നി മറിഞ്ഞ് യാത്രക്കാരന് പരിക്കേറ്റു. തിരുവനന്തപുരം സ്വദേശി രാജകുമാറിനാണ് പരിക്കേറ്റത്. റോഡില്‍ ഡീസല്‍ പരന്നുകിടന്നതിനാല്‍ ഇതുവഴിയെത്തിയ രാജകുമാര്‍ സഞ്ചരിച്ച ബൈക്ക് റോഡിലേക്ക് തെന്നി മറിയുകയായിരുന്നു. വിവരമറിഞ്ഞ് ഉടന്‍തന്നെ റാന്നി ഫയര്‍ഫോഴ്സ് സംഘം സ്ഥലത്തെത്തി റോഡില്‍ വീണ ഡീസല്‍ അറക്കപ്പൊടി വിതറി നീക്കം ചെയ്തു. ഇതിനുശേഷമാണ് ഗതാഗതം പുനസ്ഥാപിച്ചത്. ഈ റൂട്ടില്‍ സഞ്ചരിച്ച കെ.എസ്.ആര്‍.ടി.സി. ബസില്‍ നിന്നുമാണ് ഡീസല്‍ റോഡിലേക്ക് വീണതെന്നാണ് നാട്ടുകാര്‍ പറയുന്നത്. റോഡിലെ ഈ ഭാഗത്ത് സമാനമായ രീതിയില്‍ മുന്‍പും ഡീസല്‍ വീണ് വാഹനങ്ങള്‍ അപകടത്തില്‍പ്പെട്ടിട്ടുണ്ട്. തുടര്‍ച്ചയായുണ്ടാകുന്ന അപകടങ്ങള്‍ യാത്രക്കാരില്‍ വലിയ ആശങ്കയാണ് ഉയര്‍ത്തുന്നത്. ഇത്തരം ഗുരുതരമായ സുരക്ഷാ വീഴ്ചകള്‍ ഒഴിവാക്കാന്‍ അധികാരികളുടെ ഭാഗത്തുനിന്ന് കര്‍ശനമായ നടപടികള്‍ സ്വീകരിക്കണമെന്ന് നാട്ടുകാരും യാത്രക്കാരും ആവശ്യപ്പെടുന്നു.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം https://play.google.com/store/apps/details?id=com.pathanamthitta.media