പത്തനംതിട്ട ജില്ലയില്‍ സി.പി.എം. ഹര്‍ത്താല്‍ ഒക്ടോബര്‍ 24 ന്

പത്തനംതിട്ട : പരിസ്ഥിതിലോല മേഖല കരടുവിജ്ഞാപനത്തില്‍ നിന്ന് ജില്ലയിലെ ഏഴ് വില്ലേജുകളെയും ഒഴിവാക്കണമെന്നാവശ്യപ്പെട്ട് ഒക്ടോബര്‍ 24 ന് സി.പി.എം. പത്തനംതിട്ട ജില്ല കമ്മറ്റിയുടെ നേതൃത്വത്തില്‍ ഹര്‍ത്താല്‍ നടത്തും. ചിറ്റാര്‍, സീതത്തോട്‌, അരുവാപ്പുലം, തണ്ണിത്തോട്, വടശ്ശേരിക്കര, പെരുനാട്‌, കൊല്ലമുള തുടങ്ങിയ വില്ലേജുകളിലാണ് ഹര്‍ത്താല്‍. ഇതിന്റെ പ്രചരണാര്‍ത്ഥമുള്ള വാഹന ജാഥകള്‍ ഒക്ടോബര്‍ 19 ന് ജില്ലയില്‍ പര്യടനമാരംഭിച്ചു. 21 വരെ ഈ വില്ലേജുകളില്‍ വാഹന ജാഥകള്‍ പര്യടനം നടത്തും. കോന്നി – അരുവാപ്പുലം ജാഥയ്ക്ക് പി.ജെ.അജയകുമാര്‍, ശ്യാംലാല്‍, വര്‍ഗീസ്‌ ബേബി എന്നിവര്‍ നേതൃത്വം നല്‍കും.

പെരുനാട്ടില്‍ പര്യടനം നടത്തുന്ന ജാഥയ്ക്ക് പി.എസ്.മോഹനന്‍, ഗിരിജ മധു എന്നിവര്‍ നേതൃത്വം നല്‍കും. സീതത്തോട്‌ നടക്കുന്ന ജാഥയ്ക്ക് ലേഖ സുരേഷ്, ജോബി ടി.ഈശോ, പി.ആര്‍.പ്രമോദ് എന്നിവര്‍ നേതൃത്വം നല്‍കും. വെച്ചൂച്ചിറ – കൊല്ലമുള ജാഥയ്ക്ക് പി.ആര്‍.പ്രസാദ്, കോമളം അനിരുദ്ധന്‍, കെ.പി.സുഭാഷ് കുമാര്‍ എന്നിവര്‍ നേതൃത്വം നല്‍കും. ചിറ്റാര്‍ – തണ്ണിത്തോട് ജാഥയ്ക്ക് എസ്.ഹരിദാസ്‌, എം.എസ്.രാജേന്ദ്രന്‍, ടി.കെ.സജി, കെ.ജി.മുരളീധരന്‍ എന്നിവര്‍ നേതൃത്വം നല്‍കും.