എരുമേലി അൽഹാജ് ടി. എസ്. അബ്ദുൽ കരീം മൗലവിയുടെ നിര്യാണത്തിൽ ആഭ്യന്തര മന്ത്രി രമേശ്‌ ചെന്നിത്തല അനുശോചനം അറിയിച്ചു

എരുമേലി : ദക്ഷിണ കേരളത്തിലെ പ്രമുഖ ഇസ്‌ലാമിക പണ്ഡിതനും ചരിത്രപ്രസിദ്ധമായ എരുമേലി ജുമാ മസ്ജിദിന്റെ ചീഫ് ഇമാമുമായിരുന്ന അൽഹാജ് ടി.എസ്. അബ്ദുൽ കരീം മൗലവിയുടെ നിര്യാണത്തിൽ ആഭ്യന്തര മന്ത്രി രമേശ്‌ ചെന്നിത്തല അനുശോചനം അറിയിച്ചു. മതവിദ്യാഭ്യാസ രംഗത്ത് സജീവമായി പ്രവർത്തിക്കുന്ന ദക്ഷിണ കേരള ലജ്‌നത്തുൽ മുഅല്ലിമീന്റെ പ്രമുഖ നേതാവായിരുന്നു അൽഹാജ് ടി.എസ്. അബ്ദുൽ കരീം മൗലവി. വിദ്യാഭ്യാസ, സാമൂഹിക, സാംസ്കാരിക മേഖലകളിൽ വലിയ സംഭാവനകൾ നൽകിയ വ്യക്തിത്വമായിരുന്നു അദ്ദേഹമെന്നും മന്ത്രി അനുസ്മരിച്ചു. അബ്ദുൽ കരീം മൗലവിയുടെ വിയോഗത്തോടെ കേരളത്തിലെ പ്രമുഖ ഇസ്‌ലാമിക പണ്ഡിതനിരയിലെ ആദരണീയനായ ഒരു വ്യക്തിത്വത്തെയാണ് നഷ്ടമായതെന്നും രമേശ്‌ ചെന്നിത്തല പറഞ്ഞു.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1