കലാ കായിക ക്ലബ്ബുകളെ പ്രോത്സാഹിപ്പിക്കുവാൻ പത്തനംതിട്ട നഗരസഭ പദ്ധതികള്‍ തയാറാക്കും : സിന്ധു അനില്‍

പത്തനംതിട്ട : നഗരസഭാ പ്രദേശത്തെ കലാ കായിക ക്ലബ്ബുകളെ പ്രോത്സാഹിപ്പിക്കുവാൻ നഗരസഭ പദ്ധതികൾ തയാറാക്കുമെന്ന് പത്തനംതിട്ട നഗരസഭ ചെയര്‍പേഴ്സണ്‍ സിന്ധു അനിൽ പറഞ്ഞു. പത്തനംതിട്ട നഗരസഭയുടെ കേരളോത്സവം ഉദ്ഘാടനം ചെയ്യുകയായിരുന്നു അവർ. രജിസ്റ്റേർഡ് ക്ലബ്ബുകൾക്ക് കായിക ഉപകരണ കിറ്റുകൾ നൽകും. ഇക്കാര്യങ്ങൾ ചർച്ച ചെയ്യുവാൻ നഗരസഭ പ്രദേശത്തെ കായിക താരങ്ങളുടെയും കലാകാരന്മാരുടെയും യോഗം വിളിക്കുമെന്നും സിന്ധു അനിൽ പറഞ്ഞു. ഡെപ്യൂട്ടി ചെയർപേഴ്സൺ എ.സഗീർ അധ്യക്ഷത വഹിച്ചു.

സ്റ്റാന്‍ഡിംഗ് കമ്മറ്റി ചെയർപേഴ്സൺമാരായ ശോഭ കെ.മാത്യു, ആശ മോഹൻ രാജ്, സജിനി മോഹൻ, സി.കെ.അർജുനൻ, യു.ഡി.എഫ്. പാർലമെന്‍ററി പാർട്ടി ലീഡർ അഡ്വ.എ.സുരേഷ് കുമാർ, എൽ.ഡി.എഫ്. പാർലമെന്‍ററി പാർട്ടി ലീഡർ പി.കെ.അനീഷ്, കൗൺസിലർമാരായ കെ.ആർ.അരവിന്ദാക്ഷൻ നായർ, എബൽ മാത്യു, അംബിക വേണു, അഖിൽ മഠത്തിലേത്ത്, ബിജി മോൾ മാത്യു,ജോജി സാമുവൽ, നെജിം രാജൻ, എസ്.ഫാത്തിമ, ബിബിൻ ബേബി, ലിയോ അഖിൽ, അജിൻ വർഗീസ്, ജോയമ്മ സൈമൺ, ഷെറീന റഹിം, ഷൈനി അഷറഫ്, എം.എൻ.വിജയരാജൻ, ഹെൽത്ത് ഇൻസ്പെക്ടർ അജികുമാർ എന്നിവർ പ്രസംഗിച്ചു.