പത്തനംതിട്ട : ജില്ലാ ശിശുക്ഷേമ സമിതി സംഘടിപ്പിക്കുന്ന ജില്ലാതല വായനാപക്ഷാചരണത്തിന് പന്തളം എൻ.എസ്.എസ് ഇംഗ്ലീഷ് മീഡിയം യു.പി. സ്കൂളിൽ തുടക്കമായി. പന്തളം എൻ.എസ്.എസ് ട്രെയിനിംഗ് കോളേജ് അസോസിയേറ്റ് പ്രൊഫസർ ഡോ. ശ്രീവൃന്ദനായർ എൻ വായനാപക്ഷാചരണം ഉദ്ഘാടനം ചെയ്തു. ജില്ലാ ശിശുക്ഷേമ സമിതി വൈസ് പ്രസിഡന്റ് അജിത്കുമാർ ആർ. ചടങ്ങിൽ അദ്ധ്യക്ഷത വഹിച്ചു. മലയാളം അദ്ധ്യാപിക ഇന്ദു കെ.വി വായനാദിന പ്രതിജ്ഞ ചൊല്ലി ക്കൊടുത്തു. ജില്ലാ ശിശുക്ഷേമ സമിതി സെക്രട്ടറി ജി. പൊന്നമ്മ പുസ്തകങ്ങൾ സ്കൂളിന് നൽകി.
ജില്ല ശിശുക്ഷേമ സമിതി അംഗം ലസീത, പ്രിൻസിപ്പാൾ രാജേഷ് കുമാര് വി, സിനീയർ അസിസ്റ്റന്റ് എസ്. ശ്രീകല, പി.റ്റി.എ പ്രസിഡന്റ് ഡോ. ശ്രീഹരി ജി.കെ, ജില്ലാ ശിശുക്ഷേമ സമിതി ജോയിന്റ് സെക്രട്ടറി സലിം പി.ചാക്കോ, ജില്ലാ ശിശുക്ഷേമ സമിതി ട്രഷറാർ എ.ജി. ദീപു, സ്റ്റാഫ് സെക്രട്ടറി കെ.ആർ.അനു, പ്രീതാ കെ, എസ്.കൃഷ്ണകുമാർ തുടങ്ങിയവർ പ്രസംഗിച്ചു.
