തുണി വെളുപ്പിക്കാന്‍ ചിലവേറും – സര്‍ഫ് എക്‌സൽ, റിന്‍, വീല്‍ എന്നിവയുടെ വില 11 ശതമാനം വര്‍ധിപ്പിച്ചു

മുംബൈ: സര്‍ഫ് ഉള്‍പ്പടെയുള്ള ഉല്‍പന്നങ്ങളുടെ വില കൂട്ടി ഹിന്ദുസ്ഥാന്‍ യുണിലിവര്‍. സര്‍ഫ് എക്‌സിലിന് പുറമേ റിന്‍, വീല്‍ എന്നിവയുടെ വില 11 ശതമാനമാണ് വര്‍ധിച്ചത്. നിര്‍മാണവസ്തുക്കളുടെ വില ഉയരുന്നതിനൊപ്പം ലാഭം ഇടിയുന്നതാണ് കമ്പനിയെ വില ഉയര്‍ത്താന്‍ പ്രേരിപ്പിക്കുന്നത്. കഴിഞ്ഞ മാസം ഇന്‍പുട്ട് കോസ്റ്റിനനുസരിച്ച് ഉല്‍പന്നവില ഉയരുമെന്ന് കമ്പനി എംഡിയും സിഇഒയുമായ പ്രിയ നായര്‍ പറഞ്ഞിരുന്നു. ഇതിന് പിന്നാലെയാണ് വിലക്കയറ്റം. ഒരു രൂപ മുതല്‍ 10 രൂപ വരെ വിലയില്‍ വര്‍ധന വരുത്താനാണ് കമ്പനി ഒരുങ്ങുന്നത്. സര്‍ഫ് എക്‌സല്‍ ക്വുക്ക് വാഷിന്റെ വിലയില്‍ 10 രൂപയുടെ വര്‍ധനയാണ് വരുത്തിയത്.

500 ഗ്രാമിന് അഞ്ച് രൂപയും കൂട്ടി. സര്‍ഫ് എക്‌സല്‍ ഈസി വാഷിന് അഞ്ച് രൂപ കൂടി. സര്‍ഫ് എക്‌സല്‍ ബാറിനും വില കൂട്ടിയിട്ടുണ്ട്. ഹിന്ദുസ്ഥാന്‍ യുണിലിവറിന്റെ റിന്‍, വീല്‍ എന്നിവയുടെ വിലയും കൂട്ടിയിട്ടുണ്ട്. റിന്നിന് പരമാവധി അഞ്ച് രൂപ വരെയും വീലിന് മൂന്ന് രൂപയുമാണ് വില വര്‍ധന. അസംസ്‌കൃത വസ്തുക്കളുടെ വില ഉയര്‍ന്നതാണ് ഉല്‍പന്ന വില വര്‍ധിപ്പിക്കാന്‍ ഹിന്ദുസ്ഥാന്‍ യുണിലിവറിനെ പ്രേരിപ്പിച്ചത്. ഇറാന്‍ യുദ്ധമടക്കമുള്ള സാഹചര്യം മൂലം വലിയ വര്‍ധനയാണ് ഇന്‍പുട്ട് കോസ്റ്റില്‍ ഉണ്ടായത്. ഇതാണ് വില വര്‍ധനക്കുള്ള കാരണമെന്നാണ് ഹിന്ദുസ്ഥാന്‍ യുണിലിവര്‍ വിശദീകരിക്കുന്നത്.