ഗ്യാനേഷ് കുമാർ ആർഎസ്എസിന്റെ മനഃസാക്ഷി സൂക്ഷിപ്പുക്കാരനെന്ന് പ്രതിപക്ഷനേതാവ് പിണറായി വിജയൻ

തിരുവനന്തപുരം: മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാർ ആർഎസ്എസിന്റെ മനഃസാക്ഷി സൂക്ഷിപ്പുക്കാരനെന്ന് പ്രതിപക്ഷനേതാവ് പിണറായി വിജയൻ. ജനങ്ങളുടെ അവകാശങ്ങളെ കേന്ദ്രം അടിച്ചമർത്തുകയാണെന്നും ​ഗ്യാനേഷ് കുമാറിനെതിരായുള്ള പ്രക്ഷോഭം ഉയരുകയാണെന്നും അദ്ദേഹം പറഞ്ഞു. പുന്നപ്ര – വയലാർ വാരാചരണ സമാപന പരിപാടിയിൽ സംസാരിക്കുകയായിരുന്നു പിണറായി വിജയൻ.ഇന്ത്യയുടെ മൂല്യങ്ങളെ നശിപ്പിക്കാൻ ചിലർ ശ്രമിക്കുന്നു. തെരഞ്ഞെടുപ്പ് കമ്മീഷന്റെ നിഷ്പക്ഷത നഷ്ടപ്പെട്ടു. ഇതിനെതിരെ ശക്തമായ പ്രതിഷേധം ഉയർന്നു. പ്രതിഷേധം കണ്ടില്ലെന്ന് നടിക്കാനാണ് കേന്ദ്രം ശ്രമിച്ചത്. രാജ്യം പ്രക്ഷോഭ രംഗത്താണ്. അഭിമാനകരമായ പങ്കാണ് വിദ്യാർത്ഥികളും യുവജനങ്ങളും പ്രക്ഷോഭത്തിൽ വഹിച്ചത്.

ഇടതുപക്ഷത്തെ ചെറുതാക്കാൻ ശ്രമിച്ചു. ഇടതുപക്ഷത്തിന്റെ ഇടപെടൽ പ്രസക്തമായിരുന്നു. ഇടതുപക്ഷം കരുത്തോടെ ഇടപെട്ടെന്നും പിണറായി വിജയൻ പറഞ്ഞു. ഗ്യാനേഷ് കുമാർ രാജിവെച്ചേ തീരൂവെന്നും അദ്ദേഹഞ്ഞെ സംരക്ഷിക്കാമെന്നത് ബിജെപിയുടെ വ്യാമോഹമാണെന്നും പ്രതിപക്ഷനേതാവ് പറഞ്ഞു. അതേസമയം ഇന്ത്യ തുടരുന്നത് അമേരിക്കയെ പ്രീതിപ്പെടുത്തുന്ന നയമാണെന്നും അദ്ദേഹം വിമർശിച്ചു. ആർഎസ്എസിന് അമേരിക്കയോടും, ഇസ്രയലിനോടും പ്രീണനമാണെന്നും മോദി സാമ്രാജ്യത്വത്തിന് പൂർണമായും കീഴടങ്ങിയെന്നും പിണറായി വിജയൻ വ്യക്തമാക്കി. അമേരിക്കക്കെതിരെ ശക്തമായ സമരം നടന്ന നാടാണ് നമ്മുടേതെന്നും അദ്ദേഹം പറഞ്ഞു.