തിരുവനന്തപുരം : സംസ്ഥാനത്ത് ലോക്ക് ഡൗണ് പ്രഖ്യാപിച്ച സാഹചര്യത്തില് രോഗികള്ക്കും അവരുടെ ബന്ധുക്കള്ക്കും ആശുപത്രികളിലേക്കും തിരികേയും പോകുന്നതിന് സൗജന്യ നിരക്കില് സേവനമൊരുക്കി ഇന്ത്യന് മെഡിക്കല് അസോസിയേഷന്. കേരള പോലീസ്, ഡോ. രമേഷ് കുമാര് ഫൗണ്ടേഷന്, സ്വകാര്യ ആംബുലന്സ് അസോസിയേഷന് (KODA, KADTA) എന്നിവയുടെ സഹകരണത്തോടെ ആരംഭിച്ച ട്രോമ റെസ്ക്യൂ ഇന്ഷേറ്റീവിന്റെ നേതൃത്വത്തിലാണ് ആംബുലന്സ് സൗകര്യമൊരുക്കുന്നത്.
കഴിഞ്ഞ രണ്ട് വര്ഷമായി ആക്സിഡന്റ് രോഗികളുടെ സഹായത്തിനായി പ്രവര്ത്തിച്ചു വരുന്നതാണ് ട്രോമ റെസ്ക്യൂ ഇന്ഷേറ്റീവ്. കോവിഡ് രോഗികളെ എത്തിക്കുന്നതിന് 108 ആംബുലന്സുകള്ക്ക് പുറമേ ഈ ആംബുലന്സുകളും ഉപയോഗിക്കാനുള്ള അനുമതി സര്ക്കാര് നല്കിയിട്ടുണ്ട്.
