കോന്നി : പത്തനംതിട്ട ജില്ലയിലെ ഏറ്റവും നല്ല പ്രവാസി കാരുണ്യ പ്രവർത്തനത്തിനുള്ള ആദരവ് പ്രവാസി സേവാ കേന്ദ്രം സെക്രട്ടറി സോനാ എസ് തോമസിന് റിട്ടയേഡ് ജില്ലാ ആൻഡ് സെക്ഷൻ ജഡ്ജ് മുഹമ്മദ് ഇബ്രാഹിം നൽകി ആദരിച്ചു. പത്തനംതിട്ട ജില്ല കേന്ദ്രമാക്കി സംസ്ഥാനത്തിന്റെ വിവിധ ജില്ലകളിൽ പ്രവർത്തിക്കുന്ന പ്രവാസികൾക്കുവേണ്ടി നിസ്തുലമായ സേവന പ്രവർത്തനങ്ങളാണ് കാഴ്ച വെച്ചുകൊണ്ടിരിക്കുന്നത്. അവസരമനുഭവിക്കുന്ന പ്രവാസികളുടെ അഭയകേന്ദ്രമായി മാറുകയാണ് പ്രവാസി സേവാ കേന്ദ്രം. പ്രവാസി ഫെഡറേഷൻ പത്തനംതിട്ട ജില്ല സെക്രട്ടറി കൂടിയായ സുനിൽ ഖാൻ ആണ് പ്രവാസി സേവാ കേന്ദ്രത്തിന്റെ പ്രസിഡണ്ട്.
പ്രവാസികളുടെ പെൻഷൻ പുനരധിവാസ പദ്ധതി, മരണാനന്തര സഹായം, വിവാഹസഹായ ധനം, ചികിത്സാ സഹായധനം, തുടങ്ങി പ്രവാസികൾക്ക് ആവശ്യമായ എല്ലാ സേവനങ്ങളും നൽകപ്പെടുന്ന ജില്ലയിലെ ഒരേ ഒരു സ്ഥാപനമാണ്. പ്രവാസികൾക്ക് ആവശ്യമായ ഏത് ആവശ്യങ്ങൾക്കും പ്രവാസി സേവാ കേന്ദ്രം സന്ദർശിക്കാവുന്നതാണ്. പ്രവാസി സേവാ കേന്ദ്രം ഹാളിൽ നടന്ന ചടങ്ങിൽ സേവാ കേന്ദ്രം പ്രസിഡണ്ട് സുനിൽ ഖാൻ അധ്യക്ഷത വഹിച്ചു. ഡയറക്ട് ബോർഡ് അംഗം റെജി ഇബ്രാഹിം ബിനു, ജോർജ് മത്തായി, നൗഷാദ് തുടങ്ങിയവർ സംസാരിച്ചു. സോനാ എസ് തോമസ് നന്ദി രേഖപ്പെടുത്തി.
