പത്തനംതിട്ട – കുമ്പഴ റോഡിന്‍റെ നിര്‍മ്മാണം അടിയന്തിരമായി പൂര്‍ത്തീകരിക്കണം : കേരള വ്യാപാരി വ്യവസായി ഏകോപന സമിതി

പത്തനംതിട്ട : കുമ്പഴ – പത്തനംതിട്ട റോഡിന്‍റെ നിര്‍മ്മാണ പ്രവര്‍ത്തനങ്ങള്‍ അടിയന്തിരമായി പൂര്‍ത്തിയാക്കണമെന്ന് കേരള വ്യാപാരി വ്യവസായി ഏകോപന സമിതി പത്തനംതിട്ട യൂണിറ്റ് ആവശ്യപ്പെട്ടു. റോഡിന്‍റെ ടാറിങ് പൂർത്തീകരിക്കുന്നതിന്‍റെ ഭാഗമായി രണ്ടു വശങ്ങളിലും നടപ്പാതകളുടെ നിര്‍മ്മാണം മന്ദഗതിയിലാണ് നടന്നുകൊണ്ടിരിക്കുന്നത്. കണ്ണങ്കര മുതൽ സെൻട്രൽ ജംഗ്ഷൻ വരെയുള്ള കടകളുടെ മുൻഭാഗത്ത് ഓട നിര്‍മ്മാണം നടക്കുന്നതിനാല്‍ ആളുകള്‍ക്ക് കടയിൽ കയറുവാനും വാഹനങ്ങൾ പാർക്ക് ചെയ്യുവാനും ബുദ്ധിമുട്ട് നേരിടുന്നു. ഇതില്‍ പരാതിപ്പെട്ടിട്ടും റോഡ് നിര്‍മ്മാണം ഏറ്റെടുത്ത കരാറുകാരന്‍റെ ഭാഗത്തുനിന്നും പി.ഡബ്ല്യു.ഡി. ഉദ്യോഗസ്ഥരുടെ ഭാഗത്തുനിന്നും വ്യക്തമായ മറുപടി ലഭിച്ചിട്ടില്ല. കടകളുടെ ഇരുവശങ്ങളിലെയും നിര്‍മ്മാണ പ്രവര്‍ത്തനങ്ങള്‍ അടിയന്തിരമായി പൂർത്തീകരിച്ചില്ലെങ്കിൽ കേരള വ്യാപാരി വ്യവസായി ഏകോപന സമിതി സമരപരിപാടികളുമായി മുന്നോട്ടുപോകുമെന്ന് പത്തനംതിട്ട യൂണിറ്റ് പ്രസിഡണ്ട് അബൂ നവാസ് എം. അറിയിച്ചു.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1