കൊല്ലത്ത് നഴ്സിംഗ് വിദ്യാർത്ഥിക്ക് ക്രൂരമർദ്ദനം , വാരിയെല്ലിന് ഗുരുതര പരിക്ക്

കൊല്ലം : നഴ്സിംഗ് കോളേജിലെ സീനിയർ വിദ്യാർത്ഥിനിയുമായി സൗഹൃദം കൂടിയെന്ന പേരിൽ വിദ്യാർത്ഥിക്ക് ക്രൂരമർദ്ദനം. ഒരാൾ അറസ്റ്റിലായി. ചവറ സ്വദേശി പ്രമോദ് കുമാർ (28) ആണ് അറസ്റ്റിലായത്. ആക്രമണത്തിൽ കൊല്ലം കണ്ണനല്ലൂർ സ്വദേശിയായ 19കാരനാണ് ക്രൂര മർദ്ദനമേറ്റത്. വാരിയെല്ലിനു ഗുരുതരമായി പരുക്കേറ്റ് കൊല്ലത്തെ സ്വകാര്യ മെഡിക്കൽ കോളജ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. പടപ്പനാലിലെ സ്വകാര്യ നഴ്സിങ് കോളജിലെ വിദ്യാർഥിയായ 19കാരൻ സീനിയർ വിദ്യാർത്ഥിനിയുമായി സൗഹൃദത്തിലാമെന്ന് വിദ്യാർത്ഥിനിയുടെ സുഹൃത്തായ തേവലക്കര സ്വദേശി മിഥുൻ മനോഹറിനെ മറ്റൊരു വിദ്യാർത്ഥിനി അറിയിച്ചു. മിഥുന്‍റെ നിർദേശ പ്രകാരം പ്രമോദും സുഹൃത്ത് അഖിലും ചേർന്ന് 19കാരനെ ആക്രമിക്കുകയായിരുന്നു.

ഒക്ടോബർ 31 ന് വൈകിട്ട് 4.10 ന് കോളേജ് വിട്ടു പുറത്തിറങ്ങിയ 19കാരനെ തേവലക്കര പടപ്പനാലിലെ തട്ടുകടയിൽ കുപ്പിവെള്ളം വാങ്ങാൻ എത്തിയപ്പോൾ സംഘം മർദിക്കുകയായിരുന്നു.