നെഹ്റുവിന്റെ ആശയങ്ങളെ ജനങ്ങളിൽ നിന്ന് അകറ്റാനുള്ള കേന്ദ്ര നീക്കത്തെ ജനം അവഗണിക്കും : പ്രൊഫ.പി.ജെ.കുര്യൻ

പത്തനംതിട്ട : ലോക രാജ്യങ്ങൾ ബഹുമാനിക്കുന്ന ജവഹർലാൽ നെഹ്റുവിനെ നിന്ദിച്ചുകൊണ്ട് നെഹ്റു ആശയങ്ങളെ ജനങ്ങളിൽ നിന്ന് അകറ്റാനുള്ള കേന്ദ്ര ഗവൺമെന്റിന്റെ സഹകരണ വിരുദ്ധ നിലപാടിനെ ജനം അവഗണിക്കുമെന്ന് മുന്‍ രാജ്യസഭാ ഉപാധ്യക്ഷന്‍ പ്രൊഫ.പി.ജെ.കുര്യൻ പറഞ്ഞു. പത്തനംതിട്ട ജില്ലാ സഹകരണ ജനാധിപത്യ വേദിയുടെ നേതൃത്വത്തില്‍ നടന്ന പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. ഇടതുമുന്നണി സംസ്ഥാനം ഭരിച്ച കാലയളവിൽ കേരളത്തിലെ സഹകരണ മേഖല തകർച്ചയുടെ വക്കിലായിരുന്നു. ജില്ലയിലെ നിരവധി സഹകരണ സംഘങ്ങൾ ജനാധിപത്യ വിരുദ്ധ മാർഗങ്ങളിലൂടെയും തെരഞ്ഞെടുപ്പ് അട്ടിമറിയിലൂടെയും സി.പി.എം. പിടിച്ചെടുത്തത് ന്യായീകരിക്കുവാന്‍ കഴിയില്ലെന്നും പി.ജെ.കുര്യൻ പറഞ്ഞു.

ജില്ലാ ചെയർമാൻ അഡ്വ.കെ.ജയവർമ്മ അധ്യക്ഷത വഹിച്ചു. ആന്റോ ആന്റണി എം.പി. മുഖ്യപ്രഭാഷണം നടത്തി. ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ, അഡ്വ.കെ.ശിവദാസൻ നായർ, പി.മോഹന്‍രാജ്, എ.സുരേഷ് കുമാർ, തോപ്പിൽ ഗോപകുമാർ, ടി.കെ.സാജു, റെജി തോമസ്, എസ്.വി.പ്രസന്നകുമാർ, സാമുവൽ കിഴക്കുപുറം, ജി.സതീഷ് ബാബു, സജി കൊട്ടയ്ക്കാട്, സി.കെ.ബാലൻ, ജെറി മാത്യു സാം, രാജേഷ് ചാത്തങ്കേരി, ഡി.എൻ.തൃദീപ്, പഴകുളം ശിവദാസൻ, കാട്ടൂർ അബ്ദുൽ സലാം, എബി മേക്കരിങ്ങാട്ട്, റെനീസ് മുഹമ്മദ്, റെജി പണിക്കമുറി തുടങ്ങിയവർ പ്രസംഗിച്ചു.