Notice
സ്വാമിവിവേകാനന്ദന് യുവപ്രതിഭാ പുരസ്കാരം : നോമിനേഷന് ക്ഷണിച്ചു
പത്തനംതിട്ട : സംസ്ഥാന യുവജനക്ഷേമ ബോര്ഡ് 2025 ലെ സ്വാമിവിവേകാനന്ദന് യുവപ്രതിഭാ പുരസ്കാരത്തിന് നോമിനേഷന് ക്ഷണിച്ചു. വ്യക്തിഗത പുരസ്ക്കാരത്തിന് അതത് മേഖലകളിലെ 18നും 40നും മദ്ധ്യേ പ്രായമുള്ള യുവജനങ്ങളെയാണ് നോമിനേറ്റ് ചെയ്യേണ്ടത്. സാമൂഹ്യപ്രവര്ത്തനം, മാധ്യമപ്രവര്ത്തനം (പ്രിന്റ്), മാധ്യമ പ്രവര്ത്തനം (വിഷ്വല്), കല, സാഹിത്യം, കായികം (വനിത, പുരുഷന്), സംരംഭകത്വം, കൃഷി എന്നീ മേഖലകളില് നിന്ന് ഓരോ വ്യക്തികള്ക്കു വീതം ഒമ്പത് പേര്ക്കാണ് പുരസ്ക്കാരം. സ്വയം അപേക്ഷ സമര്പ്പിക്കാന് കഴിയില്ല. അതാത് മേഖലകളുമായി ബന്ധപ്പെട്ട ആര്ക്കും മറ്റൊരാളെ നോമിനേറ്റ് ചെയ്യാം. പുരസ്ക്കാരത്തിന് അര്ഹരാകുന്നവര്ക്ക് 50,000 രൂപയും പ്രശസ്തി പത്രവും പുരസ്കാരവും ലഭിക്കും.
സംസ്ഥാന യുവജനക്ഷേമ ബോര്ഡില് അഫിലിയേറ്റ് ചെയ്തിട്ടുള്ള യൂത്ത് ക്ലബ്ബുകളില് നിന്നും മികച്ച യുവജന ക്ലബുകള്ക്കുള്ള അവാര്ഡിനും അപേക്ഷ ക്ഷണിച്ചു. ജില്ലാതലത്തില് തിരഞ്ഞെടുക്കുന്ന മികച്ച ക്ലബ്ലിന് 30,000 രൂപയും പ്രശസ്തിപത്രവും പുരസ്കാരവും ലഭിക്കും. ജില്ലാതലത്തില് അവാര്ഡിന് അര്ഹത നേടിയ ക്ലബ്ബുകളെയാണ് സംസ്ഥാനതല അവാര്ഡിനായി പരിഗണിക്കുക. സംസ്ഥാന അവാര്ഡ് നേടുന്ന ക്ലബ്ബിന് 50,000 രൂപയും പ്രശസ്തിപത്രവും പുരസ്കാരവും നല്കും. പത്തനംതിട്ട ജില്ലയിലെ അപേക്ഷകള് ജില്ലാ യൂത്ത് പ്രോഗ്രാം ഓഫീസര്, കേരള സംസ്ഥാന യുവജനക്ഷേമ ബോര്ഡ്, ജില്ലാ യുവജന കേന്ദ്രം, പുത്തന്പാലത്ത് ബില്ഡിംഗ് കളക്ട്രേറ്റിനു സമീപം, പത്തനംതിട്ട 689645 എന്ന വിലാസത്തില് സമര്പ്പിക്കണം. അവസാന തീയതി ഡിസംബര് 15. അപേക്ഷ ഫോമും മാര്ഗനിര്ദ്ദേശങ്ങളും ജില്ലാ യുവജന കേന്ദ്രത്തിലും www.ksywb.kerala.gov.in ലും ലഭിക്കും. ഫോണ് 0468 2231938, 9847133866.
Have news from your area?
WhatsApp or email the news desk.
75104 53033 ptamedianews@gmail.comMore from Pathanamthitta
More More from Pathanamthitta newsMost read
-
സംസ്ഥാനത്ത് സ്വർണ്ണവില കുത്തനെ കുറഞ്ഞതോടെ ജ്വല്ലറി വ്യാപാര മേഖലയിൽ സമ്മിശ്ര പ്രതികരണം
-
അരിവില നിയന്ത്രിക്കാൻ സ്ഥിരം പദ്ധതി ; എല്ലാ റേഷൻ കാർഡുകൾക്കും 15 കിലോ വരെ ധാന്യം
-
ഇടത് അനുകൂല പോലീസ് അസോസിയേഷൻ ജില്ലാ സെക്രട്ടറി സിപിഒ നിഷാന്ത് ചന്ദ്രനെ പിരിച്ചുവിട്ടു
-
സ്വകാര്യ ബസില് യാത്ര ചെയ്യുന്നതിനിടെ യുവതികൾ വസ്ത്രം മാറ്റി – മോഷ്ടാക്കളായ രണ്ട് തമിഴ് യുവതികളെ റാന്നി പോലീസ് പിടികൂടി : 21,000 രൂപ ഒളിപ്പിച്ച നിലയിൽ
-
കേരളത്തെ നടുക്കിയ കോന്നി പോപ്പുലർ ഫിനാൻസ് തട്ടിപ്പ് : 30,000-ത്തിലധികം നിക്ഷേപകർ – 1,600 കോടിയുടെ തട്ടിപ്പ് – 12,000 ക്ലെയിമുകൾക്ക് നിക്ഷേപത്തിന്റെ 25 ശതമാനം ലഭിക്കാന് വഴിയൊരുങ്ങുന്നു





