കൊല്ലം – ചെങ്കോട്ട റെയിൽപാതയിൽ ട്രെയിൻ തട്ടി കടുവ ചത്തു

കൊല്ലം : ട്രെയിൻ തട്ടി കടുവ ചത്തു. കൊല്ലം- ചെങ്കോട്ട റെയിൽപാതയിലാണ് കടുവയുടെ ജഡം കണ്ടത്. ഇന്ന് പുലർച്ചെ രണ്ടോടെയായിരുന്നു അപകടം. തമിഴ്‌നാട് അതിർത്തിയോട് ചേർന്നുള്ള ഭഗവതിപുരം റെയിൽവേ സ്റ്റേഷന് സമീപമാണ് പാളത്തിൽ കടന്നുവ ചത്ത് കിടക്കുന്നത് കണ്ടത്. തൂത്തുക്കുടിയിൽ നിന്നും പാലക്കാട്ടേക്ക് പോവുകയായിരുന്ന പാലരുവി എക്സ്പ്രസ്സ് ട്രെയിനാണ് കടുവയെ ഇടിച്ചത്. സംഭവത്തെത്തുടർന്ന് ​ഗതാ​ഗതം തടസപ്പെട്ടു. ട്രെയിനിലെ ജീവനക്കാർ തന്നെയാണ് വിവരം തമിഴ്നാട് വനംവകുപ്പിനെ അറിയിച്ചത്. തുടർന്ന് ട്രെയിൻ പിടിച്ചിട്ടു. വനം വകുപ്പ് ഉദ്യോഹസ്ഥർ സ്ഥലത്തെത്തി കടുവയുടെ ജഡം മാറ്റിയ ശേഷമാണ് ട്രെയിൻ യാത്ര തുടർന്നത്. അരമണിക്കൂറോളം സർവീസ് തടസപ്പെട്ടു.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1