മൊബൈൽ ടവറിൽ അതിക്രമിച്ചുകയറി 90,000 രൂപയുടെ ചെമ്പ് കേബിളുകൾ മോഷ്ടിച്ചു ; അസം സ്വദേശി പിടിയിൽ

മൂവാറ്റുപുഴ : മൊബൈൽ ടവറിൽനിന്ന് 90,000 രൂപ വിലമതിക്കുന്ന ചെമ്പ് കേബിളുകൾ മോഷ്ടിച്ച കേസിൽ അസം സ്വദേശി പിടിയിൽ. അസം സ്വദേശിയായ മാസും അഹമ്മദി (20)നെയാണ് മൂവാറ്റുപുഴ എസ്എച്ച്ഒ സുബിൻ ബിജുവിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. മൂവാറ്റുപുഴ ശിവൻകുന്ന് ഭാഗത്തുള്ള ഇൻടസ് ടവേഴ്‌സിന്റെ മൊബൈൽ ടവറിലെ ഷെൽട്ടർ റൂമിൽ അതിക്രമിച്ചുകയറിയാണ് പ്രതി ചെമ്പ് കേബിളുകൾ മുറിച്ചെടുത്തത്. നേരത്തെയും ഇയാൾ സമാനമായ രീതിയിൽ മൊബൈൽ ടവറുകളിൽനിന്ന് ചെമ്പ് കേബിളുകൾ മോഷ്ടിച്ചിട്ടുണ്ടെന്ന് പോലീസ് അറിയിച്ചു. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

പത്തനംതിട്ട മീഡിയ ആപ്പ്  പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1